Da wai paidbah ya ka Anganwadi Centre ha Shangpung Mission-B

Jowai: Ynne ka sngi da wai ya ka Anganwadi Centre kawa em ha Shanpung Mission-B da u Dr. Brightstar Langbang, BDO, Laskein C&RD Block.

Kani ka Anganwadi Centre toh kawa chna na ka Scheme yong ka yung krehkaam u BDO, Laskein Block heu yakrehlang wa ka yung krehkaam yong ka Child Development Project Officer, Laskein Block.

Ha kani ka sngi da emlang leh ka CDPO yong ka Laskein Block ka D. Iakai, u waheh chnong, u R.N. Born Suchiang uwa man leh kam u Chairman ka VEC Shangpung Mission, u L. Langstang, Secretary VEC wa kiwi tawon kiwa chong chnong ka Shanpung nadooh u P. Marwein, Secretary (PWD), Government of Meghalaya, u D. Langstang, Executive Engineer, L. Suiam, Chairman DSSM wa kiwi kiwi ki waheh yong ka chnong Shangpung Mission.

Ka D. Iakai, CDPO, hei klam da pynche ko yei emkaam ka Anganwadi Centre neibynta ki khynnah wa hapoh 6 snem wei neibynta ki manbei kiwa da khreh u pun u kha. Da khana ko leh wa kam kini ki Centre dadep chna ha kiwa boon ki thaw yong ka Block waroh kawi wei em leh kiwa dang chna wei kiwa da jan dep.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U BDO yong ka thaaiñ, u Dr. Brightstar Langbang hei klam da yaroh u ya ka Dorbar Chnong Shangpung Mission (DSSM) wei ya ki dkhot ka VEC Shangpung Mission yei kreh chitom yong ki u pynman ya kani ka yung ka wow e myntoi ya ki khynnah khian wei ya ki manbei. Da e khublei kyrpang u leh ya ka CDPO wa kreh lang ko wa ka yung krehkaam yong ka Laskein Block neibynta i bha i miat ha ka Block waroh kawi.

U BDO hei klam yong oo leh da ong wa oo wa ka yung krehkaam ka yong oo daw kreh chitom ki wow pynku ya ka roi ka paar ha waroh ki chnong wa em ha ka Laskein Block.

Da ong u leh wa ka yung krehkaam ka yong oo daw chimkhia ko hei yatoh wa i khooid i jngiar wow lait na ki jakhlia khamtam heinoh klumar ya ki Plastic kiwa pynsih dur ya ka chnong ka thaw.

Da ong u leh hajrong ini daw e i pynche cha kiwa chong chnong yong ka Laskein Block kamjooh leh ya kiwa yah kari kamai nadooh ki Sumo wa kiwi tawon na kylleiñ ki chnong khamtam u ong ki ya kiwa chong kari wymtoh u nohroi ki ya ki Plastic cha luti syngkieñ wa lai ki.