Shillong: u Montri wa pait ya ki kaam pohyung ka jylla, u H.D.R Lyngdoh ynne da wai u ya u moo-yurim yong ka Nonghyllam Police Station kawa jooh man kam ka Anti Dacoity Camp hei emlang u M.M. Danggo, uwa man kam u montri ka PWD (Roads) etc, u M. Nongrem, MDC, ka R. Lyngdoh, Deputy Commissioner ka South West Khasi Hills District, Dr. S.B. Singh, Director General of Police, Meghalaya, u A.R. Mawthoh, Deputy Inspector General of Police (Eastern Range) wa kiwi kiwi.
U Lyngdoh da pyntip u wa kani toh ka thanat (Police Station) wa le hapoh ka District wa kawa 57 hapoh ka jylla heiwa da e yaroh u ya kiwa mihkhmat wa da ye ki u wanrah ya kani ka thanat hei ya krehkaam lang wa ki pulit.
Da ong u leh wa lada ymtoh nei kreh chitom ka sorkar ym ye u wanrah ya kani ka thanat deiwa kyntu ya ki paidbah wow yakrehlang wa ki pulit yow wanrah yei chongsuk chongsaiñ hapoh ka imlang sahlang.
Kiwi kiwa da klam ha kani ka yalang toh u M.M. Danggo, u Dr. S.B. Singh, DGP, u A.R. Mawthoh, DIG, u M. Nongrem, MDC, u N. Syiemiong, Syiem Hima Langrin.
Chwa ini u H.G. Lyngdoh, Superintendent of Police ka South West Khasi Hills District Mawkyrwat da e u ya ki kyntien pdiang warom katwa u R. Pde, Additional Superintendent of Police, South West Khasi Hills District Mawkyrwat da e u ya ki kyntien e khublei.
Discussion about this post