15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da wai pyn emwarom ya ka madan football wa kreh lyngba ka scheme 100 sngi ha Shilliang Myntang

0 Comments

Jowai: Ka chnong Shilliang Myntang, West Jaiñtia Hills District kawa haap hapoh ka Laskein C&RD Block ynne ka sngi da pynman ko ya ka sngi sah kynmoo ya ka chnong kawa da yoh u wai paidbah ya ka madan yaleh football kawa heh kamwa 6,104 Square Meter kawa da chna hei lut wa T. 42 lak tam lyngba ka scheme 100 Sngi hapoh ka ka Mahatma Gandhi  National Rural Employment Guarantee Act yong u snem 2015-16.

Ya kani ka madan da tip kam ka Madan Makhang, wei da sdang chna ya ka nadooh u Naiynru (June) 2015 wei da pyndep ha ka 25 tarik Naichiphaw 2016 lyngba i kreh chitom ki 162 ngut kiwa khih mylla chispah sngi ka chnong Shilliang Myntang.

U Secretary VEC ka Shilliang Myntang u M. Talang hei klam yong oo da ong u, “I ym jooh yoh i ki scheme naka sorkar kawa biang, kawa bait ka mang poisa hei yatoh waka kreh 100 sngi wei man ko kawa biang dooh na kiwa yoh i wei da wanrah ko leh leh yei roi i paar ha ka chnong”.

Da ong u leh wa i yoh myntoi ka chnong na ka kreh mylla chispah sngi haki 5 snem ym duna yaka chi klur, wei i daw wa pynman ya kani ka wai burom ya kani ka madan ynne ka sngi toh kam ka dak wow pynsñiaw yei kmen mynsien wa khroo heiwa da pyllut hadooh T. 42,05,500 najrong kiwi tawan ki kaam pynroi kam ki sarok, ki luti lai kjat, ki um bam umdih wa kiwi kiwi.

U Additional DC ka West Jaiñtia Hills District u D.M. Wahlang kam u kongsan hei klam yong oo da ong u wa ka kaam kreh 100 sngi ye ko u wanrah ya kiwa boon ki kaam pynroi wow chna ya kiwa boon kiwa emkaam ki paidbah wei da kyntu u leh ya kiwa chong chnong wow pynbiang ki ya ki kot ki sla hei yatoh wa iwon iwon wa emkaam ka chnong ka thaw hadooh ki rep ki riang khnang wa waroh u yoh myntoi ki.

Chooh chooh da ong u wa i leh neiliang ka DRDA i thmu ko toh wa hadien 5 snem toh ki paidbah u ye ki u yein hajrong yong ki hi ki kjat nadooh wow ri mrad ka rep ka riang wei wym chaniah de ki ha ka khih 100 sngi.

U BDO ka Laskein u  L.T. Tariang, u da yooluti u wa ka madan daw kyrkhu ko ya ki khon ka chnong wei i thmu hajrong ini waroh toh wow pyllait ya ki paidbah na i dooh.

Kiwi de kiwa klam ha kani ka sngi toh u Waheh Chnong u Rulingson Bareh, u Pynehbha Bareh wa kiwi kiwi.

Previous
Next

0 Comments

Leave a Reply