Jowai: Ynnin ka 5 tarik da wai pyrda ya ka 1st Mookbu Knock Out Tournament 2019 ha Madan Pyrdi Chnong, Mookbu da u President ka JSU, u Lawyerson War kam u kongsan hei emlang u Damon Dkhar kam u symbood kongsan.
Hawa e i klam kam u kongsan da ong u wa ka kaam yalehke Sports katni da man ko ka laad e khih e kreh wei da kyntu u leh ya waroh ki dhab wow em i mynsien yaleh wow poi cha ka thong.
Kiwi kiwa klam kynthup ki ya u symbood kongsan, u waheh chnong, Secretary chnong ka Mookbu, hei emlang ki dkhot ka chnong, ki paidbah chynrang wa kynthai.
Hawa kyruiñ won cha ka yalehke wa nyngkong ha kani ka sngi, ka Chiruplang SC Lumkudung da jop ko ya ka Myntliah SC da 3-0.
Ha ka yalehke wa ar, ka Kur Nongrum Mawshut wa ka Donglelad Mookbu da ya thap ki 1-1, kamtæ da pynman noh da ka chut Tie-breaker heiwa ka Kur Nongrum Mawshut da jop ko da 3-2.
Kani toh katkam ka khubor wa phah da u Chairman wa Secretary ka Tournament Committee Dorbar Chnong Mookbu.
Discussion about this post