Ynnin ka sngi da wai paidbah ya i dukan wa pyrtuid Boba Crib ha Ladthadlaboh, Jowai hajan ka V-Mart wei ini i dukan toh i chnat yong ka Boba Bar (Bubble Tea Crib) wa em ha Khliehriat heiwa ki tre toh ki khynroo na Ri-loom Jaiñtia.
Ha ini i dukan ye u yoh ya ka Bubble Tea wa da chna kyrpang wei da dai leh ya ki umsoh kiwa boon jait deilang wa ki Coffee wei ye leh u yoh ya ki Cake.
Ya ini i dukan da wan wai da ka C.W. Lyngdoh kawa man ka DSP (Admin), West Jaiñtia Hills Disctrict hei emlang u Treibor R Suchen uwa man u General Secretary ka JSU wa ki heh ka chnong Ladthadlaboh wa u O. Pariat.
Kani ka dukan u wai ko nadooh 10:00 waje i step hadooh 8:00 waje i miet man-ka-sngi lait noh ka sngi Bibar.
Neiliang ki tre dukan da khut sñiawbha ki ya kiwa lai wa wan wow wan cha kani ka dukan wow maad ya ki umsoh wa ki jait dih wa da pynkhreh har rukom.
