Jowai: Ynne ka sngi ha chnong Jowai da wai ya ka wi ka dukan dai that kawa tip kam ka Auraa Designer Wear ha Ladthadlaboh, Jowai iwa ye u man kam iwa nyngkong dooh ha Jowai heiwa ya ki riam toh kiwa da chna wei pynwandur kyrpang da ka Wahida Passah kawa man kam ka Fashion Designer kawa da dep puræ na SNDT, Juhu, Maharashtra.
Ka Wahida toh kawa jooh pynman ya ki Fashion Show kawa jooh kreh leh ha Delhi wa ki Company kiwa wan na baar ri ha kani ka jooh ka kaam.
Ha u snem 2007 da wai ko ya ini i jooh i dukan ha Laitumkhrah, Shillong wei da khang noh ini i dukan hadien wa chim ya i rai wow wai noh ya ini i dukan ha Jowai yow yohlaad ki paidbah wow riam da ki riam wa da pynwandur ko kiwa phær na kiwi wei ym pynmih ya i jooh i riam boon tylli.
Hawa yaklam ko wa u Wyrta da ong ko wa ki riam hadien wa da dep ko wow pynwandur, i rukom man, ki rong wa kiwi kiwi da sooh ya ki ha Delhi wei da pynpoi ya ki cha i dukan yong ka.
Ki jait riam wa ye u yoh toh nadooh yong ki khynnah, ki khynroo khyllood, ki manbei wei kini wan ki kam ki Formal Wear, Semi Formal, Casual, Indo-Western, ki Gown, Party Wear wa kiwi kiwi.
Da ong ko leh wa i rukom chna ko ya ki riam toh neibynta waroh i rukom man ki bru wei u man ki leh kiwa suk u sap iwa yahaap wa i rukom man ki.
I dor da ong ko sdang ki nadooh T. 300 hadooh T. 2,500.
Chooh da ong ko leh wa chim ko wow chna ya Uniform nadooh ki Jersey Football wa kiwi kiwi lada phah boon tylli tangwa ym em chim ko wow chna ya ki riam bia.
Discussion about this post