Ynne ka sngi u Montri Rangbah ka jylla, u Conrad K Sangma da wai u ya ka Apollo Tele Health Centre hapoh ka Smart Village Movement ha chnong Rongjeng, East Garo Hills hei krehlang chirup wa ka Apollo Hospitals.
Hawa e yei klam ha kani ka sngi u Conrad da khana u yei chem chitom ki paidbah wow yoh yei sumaar wa paka, iwa janai kamjooh iwa joh i bor (ha i liang i su i) wei ka sorkar jylla lyngba ka Smart Village Movement da krehlang ko wa ka Apollo Hospitals Enterprise Limited wow sdang ya ki Digital Dispensaries ha ki 5 tylli ki chnong ha ka jylla.
Lyngba ka Digital Dispensaries Program daw ye ki paidbah wow yoh yei sumaar ha ki chnong wa em ha palatsor ka Ri-loom Khasi wa Garo wei kini ki chnong kynthup ki ya kini hawah:
- Tyrsad – East Khasi District
- Mawdngung – East Khasi District
- Rongjeng – East Garo Hills District
- Dadenggre – West Garo Hills District
- Tura – West Garo Hills District.
Ki jait sumaar wa ye u yoh na kini ki Digital Dispensary kynthup ki ya ka Primary Tele Consultations, Specialty & Super Specialty Teleconsultations, Tele Laboratory Services, Screening for Non Communicable Diseases (NCDs), Social Health Education wa kiwi kiwi.
Ya kani ka Project da pynwandur ha i rukom wow man ko kam ka wow pyndap pynbiang wei u su ya ka poisa katkam wa emkaam deiwa pynduna bha ya i bai thooh dawai.
