theme-sticky-logo-alt
theme-logo-alt
Advertisement ad1
Advertisement ad1

I mih i kynrum kynram hapoh ka KHNAM toh neidaw wym bien u emlang ha ka sorkar: Adelbert

Advertisement ad1
Advertisement ad1

U President ka Khun Hynniewtrep National Awakeneing Movement (KHNAM), u Adelbert Nongrum da ong wa ym toh wa rhah bor næ yaknieh man kam uwa yahkhmat, tangwa i daw wa mih i kynrum kynram waroh toh neidaw wym bien u em ha ka sorkar ha i por wa sdang, heiwa da pyntip u wa ha chiteiñ kynta chwa wow chna ya ka sorkar da em i tyrwa wa chyrkhei bha wei neidaw wym bien u, da sdang mih i yapher yumut.

Da ong chooh chooh wa ha i por wa hap wow rai ya ki kyrtong neibynta ka Elelction MDC 2019, wei ha itu i por da lai lait ya ki wakreh ha ki Unit waphær waphær, heiwa da sñiaw wa lada emlang daw pynsñiawsih ya kiwa boon neibhah wa daw wa chim rai lang u. Da ong leh wa lada klam u yei sakhiat leh ym man, lada suki hi-eh leh da chah nioñ chooh chooh wei lada mih na ka leh daw ong ki wa yut seiñ, deiwa pynrap wa da poi i por wa da tyngkhooh yei eh bha neibhah lada chong leh jhieh wei lada yieñ leh tyngkhooh.

U Adelbert uwa man leh u MLA na North Shillong da ong u wa ha kitu ki por da yoo u yei rukom krehkaam toh i wym man, kawa ye u pynpiah ya ka KHNAM, neibhah ha kitu ki por leh em du oo kam u MDC wa u MLA na ka jooh ka Constituency, wei lada tuklar ki ya ka Constituency da mut wa pyrchah ki ya oo.

Da pyntip leh wa ha u snem 2019 wa em ka MDC Election leh da em ka ujor, wei da pynrap u wa burom ya u Pyndap Saibon, tangwa lada ka kynhun ki yong oo kwah ki wow ujor leh ileh wym ujor chwa ya i por ileh wa manda jan kut i por. Da kylli u leh boi wa em i yoh nong yong uyi uyi, næ em ki thong wow pyntlot ya ka KHNAM, wei wow pynhiar tput ha u 2023.

U Adelbert da ong u wa ye u man wa i pyrchah ye u man wa kwah ki u ya mih noh na ka seiñ, tangwa da klam u deiwa che wa lada man kammon kammon leh ym mih u neibhah da mandoh mansnam na ka KHNAM, weini ini i wym mih na ka KHNAM daw hap u wow lai noh da kawi ka luti.

Hawa yatoh wa i chah pyndooh ki kyrtong wow yakhun naka seiñ, u Adelbert da ong u wa daw yakhun yei tuklar ka Election Commission of India kawa wanrah ya ka chithi wow pyndooh ya ki kyrtong, da ong leh wa ya katni ym kwah wow ong iyi iyi tangwa du wow hun u Esron Marwein uwa daw yakhun noh kum u kyrtong samen, neibhah lada yakhun katni daw dooh u kyrtong wow yakhun ya ka Election.

Ha iwi won i liang da ong u wa i yaleh wa kongsan katni toh wow pynkhooid, deiwa yaklam yasuk noh khamtam wa u Pyndap uwa man kam uwa ujor pyrchah, hanla ym jooh wan u chakhmat wow yaklam yasuk næ wow khut cha i yaklam.

Chooh chooh u Addelbert da ong u wa ha u snem 2017 da sdang thymme ya ka KHNAM ha ka yalang wa da pynman ha Mawlai Polytehnic, tangwa i rai yong katai ka yalang khlem phah ya ka cha Delhi wei hadooh katni ka ECI dang  tipmit ya oo kam u President, tangwa da pynsñiaw won yei lyngngoh wa ka jooh ka ECI ha i por Election da chim ko ya ini i ujor deiwa thoh cha u Returning Officer wa khlem tipmit ya uwon uwon na ka KHNAM wow soi ya ka Form A Form B yong u kyrtong.

Share this:
Previous

Pyrchah Ka Sur Ka Bri U Hynniewtrep yei kem ya ki 5 ngut wa suba booh IED Bomb

Next

Da wai ya ka Apollo Tele Health Centre ha Ronjeng