Da wai ya KA Ayurveda Wellness Clinic ha Jowai kawa ye phi u yoh hadooh ka Free Doctor’s Consultation

Kam chibynta wow wanrah yei chait i khiah ha waroh ki liang hapoh ka thaaiñ, neiliang ka KA Ayurveda Wellness Clinic da wai ko ya ka Deltas Arogyam Wellness Centre ha ESS ELL Complex, Ladthadlaboh, Jowai hajan ka OK Complex.

Kani ka Centre wa dang thymme toh ka wow pynsuk ya kiwa chong chnong deiwa yoh yei sumaar wa duna dor wei ka sumaar wa tip kam ka Natural Healthcare Solutions neibynta kiwa chong chnong ka Jowai wa ki chong wa em chajan.

Ka yurim i e sumaar toh deiwa bood yei rukom pynchait nadooh ki por warim dei stat Ayurveda, wei kani ka Centre toh yow sumaar ya ki jait kjut kiwa mih nei rukom im ka juk wa katni deiwa pynemkaam leh i stat sumaar ka kuk wa katni.

Neiliang kiwa mihkhmat Ka Ayurveda Wellness Clinic da ong ki wa i chakri yong ki toh neibynta i chait i khiah ka imlang sahlang deiwa booh da kani ka thaw wow pynyoo kammon wow yada nei kjut i chitom, deiwa pynyooluti wow booh da ka thong yow em i chait nadooh i doh i pran wa i bor pyrkhat pyrdaiñ.

Ha kani ka Centre da e leh ya ka Free Doctor’s Consultation namo ka yaphyllu wa ki Doctor deiwa mynkna yow pynyooluti kammon wow yoh yei  chait i khiah, ki thong wa hap poi, i leh BMI Testing wa kiwi de ki Check-Up yow chem smat yei kjut i chitom najrong wow e leh ki dawai pyncheh yei doh i pran (High-Quality Nutritional Supplements and Alternative Medicines) deilang ka Ayurvedic Spa wa ki Massage Therapy yow pynwiar ngiah, u pynyohbor wei yow pynwiar yei chon wa khia wa mih na ki kaam wa man-ka-sngi.

Ha kani ka Deltas Arogyam Wellness Centre u pynkupbor leh ya kiwa chong chnong yow sñiawskem ki wow chim ha kti yong ki yei chait i khiah yong ki hi deiwa im dei rukom wa miat wa bha.

Related posts

Bia u sahep IAS thok ya kawi ka bru du wow yut wa ki phaw lak ka poisa

March 22, 2026

Ym pyrchah ka UDP yei pynyieñ kyrtong da uwa monlang ka MDA neibynta ka Election MP

March 22, 2026

Da ong leh wa deiwa mih boon ki kjut wa leh ka Stress, i wym biang i baam wei i kreh deiwa chong chi thaw, kamtæ i wai ya kani ka Centre da wan heipor wa biang yow yarap ya kiwa chong chnong yow yoh ki yei pynsñiawthooh kamjooh i chait i khiah ha waroh ki liang.

Kamtæ da khut ya kiwa chong chnong ka Jowai yow wan ki cha kani ka Centre yow yoh yei chakri wei sumaar yow sdang yei lai luti chei chait i khiah.

Yow tip bniah, yow booh Appointment ye phi wow Phone ha ini i Number: 9362708859.