theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da wai ya ka Betheguide ha Jowai yow sikai ya ki khynroo khyllood hei rukom waphær

Ka Betheguide Indian Mentoring Academy Ministry of Commerce and Industry (DIPP), kawa em ya ka Main Branch ha Lower Nongthymmai Lumsohphoh, Shillong mar pyrchah ka Nethralaya Mission Eye Care, kawa da sdang ha u snem 2018, ynne ka sngi won da wai ko yaka chnat sa ha Jowai hajan ka Jowai Public School wei u Centre Manager yong ka toh u Imonmi Suchiang.

Kam ha Shillong i sikai wa ki khynroo khyllood ye ki u yoh kynthup ya ka Communication, ka Personality Development, Mentoring, Banking, Spoken English, ka Coaching wow yakhun yaki Exam waphær wa kiwi. Katwa ha Jowai won daw khut Admission ya ki Course wa ye u sdang.

Advertisement ad1
Advertisement ad1
Advertisement ad1

Ya kani ka thaw e sikai da wan wow wai ya ka da u Ruhipaya Lamar, Principal warim ka Baghmara Govt. College wei hawa e yei klam kam u kongsan ong u kani man ko ka luti wa bha chakhmat wow e yarap yaki bru heiyatoh u pynpliah ki ya ki hi manda thooh khih thooh kreh.

Yooluti u wa ki khynnah u yoh ki yei sikai wa biang, wei u yoh laitlooid ki leh u kylli ya iwon iwon wym sñiawthooh ki.

Ong u emkaam i puræ, emkaam u yoh yei sikai hei rukom waphær waphær khnang wa manda thooh kreh yow sñiawthooh næ u tip yei emkaam ha katæ ka khih wa thooh.

Da ong haroh u kam kiwa sikai næ kiwa pynyoo luti, iwa emkam dooh toh u pait hei yi tlot ki khynnah tæ yarap e mynsien ya ki, deiwa pynrap leh wa boonsien hi u chem ki khynnah tlot ki hei yukheiñ yudiah (Maths Phobia) wei hei rukom pyrkhat (Logic Phobia). Da chem leh wa boon ki khynnah ha ki thaw puræ rap yait ki ya ki Subject kiwa hap wow pyrkhat bha.

Han kattæ leh pyn-ar hi man kawa emkaam yei pyrkhat, wei hawa puræ ya iwon iwon emkaam wow pynyaar i pyrkhat yow ye u lehbha.

Kiwi won wa e i klam kynthup ya u Kalyan Bhattacharjee (Head Administrator) uwa da khana heiyatoh i lai luti ka Betheguide, neitæ da yoh i klam na u Santosh Sunar, Director Betheguide, katwa yei kyntien e khublei da yoh na ka Purnina, Cooperate Executive Officer.

Advertisement ad1
Share this:
Previous

Yoh kem ki pulit ka Phramer ya 6 tylli ki jait mrad khloo napoh kawi ka Sumo

Next

Da pynman yei pynsñiawthooh wow yada nei chah rahbor ki khynnah ha Jowai