U Secretary ka Department of Food and Public Distribution ka sorkar India, u Sanjeev Chopra ynne da wai u ya ka Command and Control Centre ha Directorate of Food, Civil Supplies and Consumer Affairs Office wa em ha Shillong yow booddien yei lai i wan ki kari wa kit ya ki mar baam rachon.
Hawa yaklam wa kiwa thoh khubor, neiliang u Sanjeev Chopra da ong u wa deiwa em kani ka Centre daw ye ki bor sorkar wow pait thij pa thij yei lai luti ki kari nadooh wa kit ya ki mar na ki Depots chadooh wow lai pynhaap cha ki dukan rachon (Fair Price Shops) heiwa ha kini ki kari da pyndait wa ki GPS wei ye leh wow booddien ya ki Mobile Phone kiwa yah kari.
Kani ka Command and Control Centre u e laad ko ya ki bor sorkar wow pait heiwon em ka kari katkam i por (Real Time) khlem da pynslem yow pyntikna wym em chah pynhiar tooh ki mar wei kamjooh leh yow poi ki mar heipor wa da booh ha ki thaw wa da booh.
U Sanjeev Chopra da ong u wa ini daw yarap wow pyndooh yei em ki kari ki wym poi cha ki dukan rachon wei kamjooh leh wow khanglaad yeiwa em kiwa mut wow leh thok leh tooh.
Deiwa em kani ka Command and Control Centre daw ye leh u pait heiwon sangeh ka kari wei kamjooh heiwon em ko.
Discussion about this post