Ka Community Managed Training Centre (CMTC) yong ka Muthlong Pasyih Multipurpose Cooperative Society Ltd da wai paidbah ka ha ka 24 tarik uni u bnai da u Block Development Officer, ka Laskein C&RD Block, u Dr. F.R. Shadap hei emlang u District Mission Manager, West Jaiñtia Hills, ki chnat sorkar, kiwa kreh yong ki DMMU, BMMU wa kiwa mihkhmat na ki Synjuk Waheh chnong ka thaiñ Muthlong Pasyih.
Ha ka yalang wa pynlai da ka President ka Muthlong Pasyih Multipurpose Cooperative Society Ltd., ka Bilet Tang, ka Secretary ka Wiadwan Siangshai da khana ko heiyatoh i krehkaam ka Cluster Level Foundation (CLF), u Fullmoon Hujon (DFS IBCB) da khana u hajrong i thmu kani ka Community Managed Training Centre (CMTC).
U R. Shadap, District Mission Manager yong ka West Jaiñtia Hills District hawa e i klam da kyntu u ya ka Muthlong Pasyih Multipurpose Cooperative Society Ltd wow man kiwa kreh chitom chooh chooh khnang yow ye ki u wanrah boon i myntoi neibynta ki dkhot yong ka CLF wa ya ka thaaiñ hi waroh kawi.
Neiliang u kongsan yong kani ka sngi won u Dr. F.R. Shadap, BDO Laskein C&RD Block da yaroh u ya kiwa ksoh kaam ka CLF, wa lyngba i kreh chitom yong ki da ye u pynmankaam ya kani ka thong khamtam wow chna ya kani ka CMTC kawa man ka laad kamai poisa ya ka CLF.
Wei da kyntu u leh wow nangkreh chitom chooh chooh ki neini chakhmat khnang yow ye u wanrah burom ya ka thaaiñ wa ya ka Block hi waroh kawi.
Kam wow pynkynmoo kani ka Community Managed Training Centre (CMTC) man ko chibynta ka laad pynmih poisa ya ka CLF.
Kamtæ da khut kyntu kyrsu ko ya kiwon kiwon ki chnat sorkar næ ki Organisation wa ye ki wow pynman kiwon kiwon ki kynja Training næ yalang khnang yow man ka laad e kyrchaan ya ka CLF.
Kani ka CMTC em ko hapoh ka thaaiñ Thadmuthlong-A hajan ka Shangpung Community College.
Da pynphooh pynphieñ ya kani ka yalang dei rwai i chaad pliang na ka Synroplang VO Thadmuthlong-A wa na ka Waiphang VO Pasyih, wei da yoh leh i klam e khublei na ka Merry June Ymbon, EC Member ka CLF.
Discussion about this post