Ka Website e-Daakhil yow ye ki bru paidbah wow ujor hajrong ki mar ki mata da sdang ya ka ynne ka sngi da ka Meghalaya Chief Secretary, ka R V Suchiang, iwa da pynman ya ka Meghalaya wow man ko ka jylla wa ar ha thaaiñ North East wa ye wow leh ya ka ujor Online (e-filing service).
Kani toh kawa da sdang da ka chnat Consumer Affairs ka sorkar India, wei lyngba kani ka e-Daakhil ki bru paidbah lane ki muktiar yong ki ye ki wow phah ya ka ujor kamjooh wow su yeiwa emkaam Online lada em ki heiwon heiwon. Ye leh wow booddien heiwon wei iyi da leh heiyatoh waka ujor yow tip ki wow leh yeiwa emkaam.
Ka R V Suchiang hawa e yei klam da yaroh ko ya ini iwa da pynkupbor ya ki paidbah yow pynman ya ka sorkar kawa khooid. Wei kani ka Website daw wanrah ko leh yei kitkhlieh ya ka sorkar wow man ko kawa khooid deiwa e yei jubab heipor wa biang wei i chimkhia yei ujor ki paidbah man ko kawi na ki dak wa biang ka synchaar khadar iwa ka e-Daakhil daw ye ko wow yarap bha.
Ya kani ka yalang da pynman daka Food, Civil Supplies & Consumer Affairs Department ka sorkar Meghalaya wei da pynman ha Conference Hall ka Main Secretariat Building, Shillong.
