theme-sticky-logo-alt
theme-logo-alt
Advertisement ad1
Advertisement ad1

Da wai ya ka Gaddez Salon ka thaw pynmiat dur ya kynthai wa chynrang ha Khliehriat

Advertisement ad1

Ka Gaddez Salon kawa man ka thaw ah sñiooh thymme ya ki kynthai wa chynrang wa em ha Khliehriat, East Jaiñtia Hills District hajan ka Jaiñtia Eastern College da wai paidbah yaka ynne ka sngi daki arngut ki khyllood wa pawnaam ka jylla kitæ ka Sookini Sutnga kawa da jop ya kiwa boon ki yakob miat kynthai wot cha baar jylla waka Deikisha Talang ka Model heijooh i por ka Actress wa ak haka phlim Ahor kawa daw pynmih ym slem de, hei emlang u MLA ka Khliehriat u Kyrmen Shylla wa kiwi kiwi.

Ya kani ka Gaddez Salon da mantre da u Fourming Siangshai, wei ki paidbah kynthai wa chynrang ye ki u yoh i chakri na kani ka Salon yow miat kynthai chynrang.

Advertisement ad1
Advertisement ad1

I por wa wai kani ka Salon toh nadooh Monday hadooh Saturday, wei ki paidbah ye ki u yoh i chakri wa boonjait katkam wa kwah ki kynthup nadooh ka Bleach, Skin Care, Threading, Waxing Regular, Waxing Premium, Pedicure wa Manicure, Hair Care, Hair Smoothing, Hair Treatment wa kiwi de.

Haka yalang tbian wa pynlai da u Goldenstar Suchiang, ka Sookini Sutnga da yaroh ko ya u Fourming Siangshai wa sdang u kam kani ka Salon ka wym pu em hapoh ka thaaiñ iwa daw pynsuk ya ki bru wa jooh lai cha jngai yow yoh kam kani ka Salon, heijooh i por leh chibynta i yoh khih yoh kreh ki khynroo khyllood.

Neiliang u Kyrmen Shylla ngait u wa i ye wow wai ya kani ka Salon; ki khynroo khyllood, ki manbei manpa wa jooh angnood u lai chi kattu ym yoh laad ki neibhah wa hap ki u lai cha jngai yow yoh ya kam iwa em ha kani ka Salon.

“Kam ki bru ha pyrthai najrong wa yaleh u syndong yei chait i khiah, i syndong wow miat kynthai, u bha chynrang, yow miat i dur i doh i pran leh man iwa emkaam hi,” ong u Kyrmen Shylla.

Da pynrap haroh u wa i syndong yei miat dur yong idæ wot hadien wa em khon em kti leh, yarap ko u pynkhlan i yatoh ki chi kurim wow neh i maya.

Da yoh leh i klam na u Fourming Siangshai wa na ka Deikisha Talang.

Share this:
Previous

Da pynlait ya u khoo rachon neibynta u Naikhynde ha West Jaiñtia

Next

Super Division: Khlem em wa jop hapyrdi ka Lumiawmushai Shangpung waka Ladthadlaboh