Da wai ya ka Integrated Command and Control Centre ka wow pait ya ka Shillong

Ka Integrated Command and Control Centre wa em ha Umsawli, Shillong da wai ya ka ynne ka sngi da u Montri Rangbah, u Conrad K Sangma deiwa emlang u Symbood Montri Rangbah, u Sniawbhalang Dhar, u Chief Secretary, u D.P. Wahlang, ka Director General of Police, ka Idashisha Nongrang wa kiwi kiwi de.

U Conrad hawa e yei klam da khana u wa kani ka Integrated Command and Control Centre (ICCC) u man ko kam i jabieñ ka Shillong Smart City ka wow pait ya iwon iwon iwa jia yow ye u pynpoi yarap smat cha kiwa emkaam.

Da khana u leh wa kiwi ki chnong kam ka Tura wa Jowai leh daw thap lang ki hapoh kani ka ICCC ha ki por wow wan.

Related posts

U pynman ka WJSU da ka Follow-Up Exam yow pteiñ i e Scholarship ya kiwa poi chakhmat

September 10, 2026

Chah Suspend u sahep sorkar wa phah bah ha u tymmen wow kaap ya u dooid

September 10, 2026

Hapoh kani ka ICCC daw em 30 ngut kiwa pait ya iwa riñ da ki CCTV yow ye leh u pynkrehkaam nadooh i rukom pynlang jhep, i rukom pynlai kari, i pynbna chnong deiwa em leh ki Emergency Call Box yow pyntip lada em iwon iwon wa jia wa emkaam yarap jhan, u pynyoo leh ya iwa emkaam pyntip paidbah kamjooh yei krehkaam ki Smart Street Lighting.

Kini ki CCTV da booh ki ha 96 tylli ki thaw katwa ki Smart Poles da booh ha 20 tylli ki thaw deilang wa ki Variable Message Display ha ki 20 tylli ki thaw.