Ka mandanbol wa tip kam ka ‘The Football Factory’ kawa ye u yalehke da ka 7-A-Side kawa da chna katkam ka juk wa katni deilang u Artificial Turf kawa em ha Speiñ, Nangbah, West Jaiñtia Hills mar hajan ka Hubert Acupressure Centre, da wai paidbah ka ha ka 7 tarik uni u bnai March.
Kani ka madan toh kawa da wai kam chibynta wow pynchlur yei yalehbol ha ka thaaiñ wei ha kani ka madan ye leh wow pynemkaam yow e Training, u pynman Tournament kamjooh wow ya muja yalehke.
Ya ka yalang wai ya kani ka madan da pynlai da u Rev. A. Sungoh wei da yoh yei kyrkhu kyrdoh na u Rev. S. S. Nongrum deiwa emlang u tre ka madan, u Albinus Laskor uwa man leh u khon u Prof. H. Lamin deilang ka Monica Laskor chirup u MDC ka thaaiñ, u Gresentus Susngi, u waheh chnong, u C. Iongwai, kiwa ha-yung ha-sem, ki lok ki jor wa kiwa ka-it yalehbol.
Deiwa em kani ka madan da yooluti wa daw wanrah ko ya ki bru ha ka jooh ka thaw yow pynchlur leh yow man kiwa chait wa khiah wa i ya maya para wa chong chnong.
Da pyntip wa kani ka madan tow kawa da siang da u Artificial Turf uwa miat wei uwa da sumaar bha yow chngaaiñ ka yalehke deiwa em leh ki Floodlights kiwa biang yow ye u yalehke dei miet leh.
Ha kani ka thaw da em leh ki thaw sum (Cold Shower) wa da booh jar jiar neibynta ki kynthai wa ki chynrang, ki paikhana neitæ hadooh wow chim wai nadooh ki Football Boots, ki Bibs wa ki bol yow lait u khuslai yei wanrah tiar.
Kani ka madan toh ka wow wai man-ka-sngi nadooh 6:00 AM hadooh 11:00 PM, kamtæ ka Football Factory da pdiang sñiawbha ko ya waroh wow wan yalehke kamjooh wow pynman Tournament deiwa yooluti leh wa daw ye wow chem ya kitu kiwa em yei sap yalehke yow ye ki u nang ku chooh chooh.
Yow tip bniah ye phi u Phone ha ini i Number-7628951160.
Discussion about this post