theme-sticky-logo-alt
theme-logo-alt
Advertisement ad1
Advertisement ad1

Da wai ya ka Milk Parlor ha Jowai, daw yoh leh ya ka Milk Plant ha Mukhla

Advertisement ad1
Advertisement ad1

Ha ka yalang wai yaka ‘Milk Parlor’ ha Mynthong, Jowai ynne ka sngi wei kamjooh i pynsñiawthooh paidbah hajrong i emkaam i dud, u Director ka Dairy Development ka sorkar jylla u L.S. Shangpliang da ong u, “I dud toh i baam wa biang lut nadong chadong neibhah wa ye i u pynyoh lut ya waroh ki jait wa emkaam i doh i pran u bru nadooh ki Protein, Carbohydrate, Mineral, Vitamin wa kiwi kiwi tangwa ki bru haka jylla yong i won dih dud ki du heipor wa dang khian manda heh won pynduna ki lane dam noh ki u dih, tangwa hei sakhiat hi emkaam u dih dud nadooh dang khian hadooh wa heh”.

“Kamwa i dud toh iwa emkaam ya u bru u dih chi rta neidaw wa i dud yong ka bei ye ko u pyndap du heipor wa dang khian, kamtæ manda heh won toh u dih dei dud ki mrad, wei i dud masi toh iwa yahaap wa i doh i pran u bru,” ong u L.S. Shangpliang.

Advertisement ad1

Da ong u ya ka ri India da tip kam kawa khlan dooh u pynmih dud, tangwa ka jylla yong i won toh kawa duna dooh i pynmih neibhah ha i, ini dang man thymme ko, katwa kamtæ emkaam u pynsñiawthooh ya ki bru.

Heiyatoh wow pynku yei pynmih dud, khana u wa neiliang ka sorkar leh da pyntyllung ko yei kaam deiwa e yarap ya kiwa ri masi, kiwa dai dukan wow dai ki yei dud wa kiwi kiwi.

Chooh chooh heiyatoh wa kani ka thong, neiliang ka sorkar India leh da e ko ya ka Scheme National Programme for Dairy Development yow pynheh næ pynbiang chooh chooh ya iwa emkaam (Infrastructure) ha waroh ki liang la ha kiwa ri masi, i pynmih dud, i pynlai yaw yei dud wei kamjooh leh u booh ya ki ‘Milk Partner’ ha man ki thaw wa yoo emkaam.

Lyngba kani ka Scheme National Programme for Dairy Development, u Shangpliang khana u wa i pynkhreh wow chna yaka Milk Plant ha Mukhla da lai ko chakhmat, heiwa ha kani ka Plant da mang u pynmih dud kamwa 1000 liter ha chi sngi. 

Ya kani ka Plant u pait u pynlai noh daka Milk Union, hajrong i thmu wow bood yei rukom pynmih dud yong kiwi ki thaw wa da ku chakhmat.

Neitæ ka sorkar em ko i thmu wow e bor ha ki warep wei neiliang ki sahep i kaamram yong ki toh u yarap u e  mynsien ya kiwa ri masi. 

Kamtæ khut u i ya i krehlang nadooh ki wakreh, ki sahep sorkar wa ki paidbah khnang yow ye u pynman kaam ya kani ka thong kawa ye leh u pynku yei yoh i kot kiwa ri masi wa waroh kiwa embynta.

Ha kani ka sngi da emlang leh u Dr. D.I. Kjam District AH& Veterinary Officer, West Jaiñtia Hills District, u Waheh Chnong ka Mynthong u L. Pohktai wa kiwi de.

Ha ka kynta yong ka Technical Session won, ka Mibel Shylla, Dairy Officer (Quality Control) da batai pynche ko hajrong ka phang “Pasteurization and Preservation of Milk”, ka Sahida Kyndiah, M.Sc (Applied Nutrition) da klam ko hajrong ka phang “Milk- A Complete Food”.

Share this:
Previous

Jop ka Panaliar ya ka Lumkyrwiang ha ka 18 Above ka WJDSA

Next

Wym krehkaam ki kyndon yada ya ka Wah Myntdu yachem ki waheh chnong wa u DC