Ka Paila Beauty by Melanie Pariat kawa man ka thaw pynmiat dur wa biang lut hapoh chnong Jowai neibynta ki kynthai wa chynrang da wai paidbah ka ha ka 7 tarik uni u bnai.
Kani ka thaw pynmiat kynthai pynbha chynrang em ko ha Ladthadlaboh, Jowai ha chrooh ka Federal Bank mar pyrchah ka madan Dai Masi. Wei ki jait chakri wa ye u yoh neibynta u pynmiat pynwandur toh nadooh yei durkhmat, ki kti ki kjat, u sñiooh wa waroh chi rynyieñ hi hei rukom waphær waphær nadooh wow leh De-Tan, Hair Colouring, Make Up, Hair Treatment, Nails, Manicure & Pedicure, Facial Treatment, Spa & Massage Services wa kiwi de.
Kani ka thaw wow chong pynwiar ngiah leh man ko kawa biang, neitæ em leh ki kamra leh Facial, Massage, Spa kamjooh ka kamra wow sum wow Shower leh em ko hadien wa dep leh Facial, Massage wa Spa.
Da wan wow wai ya kani ka Paila Beauty by Melanie Pariat da ka Dr. E.M. Blah, Principal Kiang Nangbah Govt. College Jowai, ha ka yalang tbian wa pynlai da u S.S. Syiemlieh, MCS, hei emlang u Rev. B.B. Lamin, u H. Shangpliang MLA warim ka Mawsynram uwa man leh uwa e buit ka sorkar jylla, kiwa chah khut sñiawbha wa kiwi.
U Rev. B.B. Lamin hadien wa dep e i duwai kyrkhu kyrdoh, yaroh u leh yei em kiwa chim kam kani ka luti wow seiñ dei khih yong idæ ha kam kani ka juk wa boon kiwa ood wa naam wym yoh kreh sorkar.
Yooluti u leh wa ki bru wa psiah heini u yoh ki yei hun mynsien lyngba i chakri wa yoh ki.
Ka Dr. E.M. Blah hawa klam kam ka kongsan yooluti ko wa kani ka dukan u man ko kawa pynmyntoi ya ki bru ka chnong Jowai kamjooh kiwa marjan, wei ym du heiyatoh i miat wa cha lait tangwa iwa yatoh wei kynja mynsien kamjooh.
U H. Shangpliang uwa man leh kam u pa yong ka Melanie Pariat ka tre yong kani ka dukan, hawa klam ong u wa kam ka yung ka sem da em chwa i pyrkhat wa toh u sdang dei khih wow e myntoilang ya kiwi tawon, kamtæ lyngba kani ka Paila Beauty najrong wow yoh myntoi ki bru kynthai wa chynrang, da ye ko leh wow e khih ya ki khynroo khyllood hadooh 15 ngut kiwa dadep pynpliah yei sap wa yatoh wa kani ka laiñ.
Kyntu u leh ya kiwi won ki khon khynroo khyllood wow wai ki ya ki dukan waphær wa ye u e khih e kreh lang ya kiwi.
Heijooh i por yooluti u wa kani ka Paila Beauty u nang ku ko wei u ye u pynmiat dur ko ya ki bru ka thaaiñ, khamtam ka juk katni wa da toh u sumaar bha yei doh i pran wei ki bru wa wan heini leh u yoh ki yei chakri wa pynhun pynsñiawsuk ya ki.
Kani ka Paila Beauty by Melanie Pariat wai ko nadooh 11:00 waje i step hadooh 8:00 waje i miet Monday hadooh Saturday, wei yow tip bniah næ kiwa kwah u booh Appointment ye ki wow Phone ha kini ki Number- 7629045170/8798733098.
Discussion about this post