Ka Pdengkarong Sub-Centre wa em ha West Jaiñtia Hills District kawa da chna hapoh ka PM-ABHIM (NHM) yong u snem 2021–2022 hei lut wa ₹55.50 lak ha i thaw wa da e da ka chnong, da wan wow wai paidbah ka ynne da u Lahkmen Rymbui uwa man kam u Montri sorkar kamjooh u MLA ka thaaiñ.
Kani ka Sub-Centre u e chakri ko ya kiwa chong chnong ka Pdengkarong, Amsyrwai wa Amralang.
U Lahkmen hawa e yei klam da ong u wa ka Pdengkarong Sub-Centre toh kawa man kam ka nongmuna wow pynyoo yei krehlang kiwa chong chnong heiwa ka sorkar ym em e ko yei kreh cha u Contractor tangwa da pynkreh da ka Village Health & Sanitation Committee ka chnong Pdengkarong.
Da pynsñiaw u leh yei kmen wa hanla khian ka mang tangka tangwa da ye u wow chna deiwa miat hadooh wa em leh ka poisa wa dang tam iwa pynyoo leh wa pynemkaam hok ya ka poisa.
Kani ka Sub-Centre leh daw pynjan ko ya kiwa chong chnong wei ym hap lai jngai de ki da 14 Km yow poi cha Jarain, 22 Km cha Nongtalang wa 18 Km cha Pdengshakap.
Da yoh leh yei klam na u Kolmen Pohshna kam u waheh chnong warim ka Pdengkarong, u Jamshaphrang Pohtam, MDC War-Central; u Medling Swer, MDC War-East wa ns ka Anendya Raahsshre, Sub-Divisional Officer, Amlarem Civil Sub-Division.
Discussion about this post