theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da wai ya ka PHED State Laboratory wa nyngkong ka Meghalaya

Ka Public Health Engineering Department State Laboratory wa nyngkong dooh kam kani ka State Level Laboratory hapoh ka PHED wei kawa daw tipmit da ka NABL katkam ki kyrdan ISO/IEC 17025:2017, da wan wai ya ka da u Montri ka PHED, u Renikton Lyngdoh Tongkhar kam u kongsan deiwa emlang ka symbood kongsan, ka R.V. Suchiang, Chief Secretary ka sorkar Meghalaya wa kiwi de kiwa chah khut sñiawbha ynnin ka sngi ha Mawiongrim, Shillong.

Neiliang u Montri da yaroh u ya ka chnat kawa da poi cha uni u moomær yow pynyoh ya ka umdih kawa khooid wa suba kawa man leh kam kawi na ki kyndon wa emkaam neibynta i chait i khiah.

Advertisement ad1

Ka Chief Secretary da ban joor ko yei emkaam wow ya krehlang waroh neibhah ka um toh ka kitkhlieh yong waroh yow yoh yei chait i khiah kamjooh i yoh i laa.

Da emlang leh ha kani ka sngi wa u Additional Chief Secretary ka sorkar Meghalaya, u D.P. Wahlang, uwa da klam yei emkaam wow pyrkhat wow pynyoh ya ka um wa khooid kamjooh i pynkrehkaam ya ka JJM wei da khana u leh chaphang i pyn krehkaam ya ka JJM hapoh ka jylla deiwa ong wa ka Meghalaya da chimkhia ko wow pynpoi umkor ha kawi pa kawi ka manyung wa em cha palatsor.

Kiwi de kiwa da emlang ha kani ka sngi toh u Syed Md A. Razi, Commissioner & Secretary, PHED uwa man leh kam u Mission Director ka Jal Jeevan Mission, Meghalaya deilang waka Ripnar Lyngdoh, Commissioner & Secretary, Personnel & AR Department wa u Chief Engineer ka PHE Department, u C.R. Challam, ka Additional Chief Engineer & State Nodal Officer ka Jal Jeevan Mission Meghalaya, ka B.M Lyndem wa kiwi de ki sahep.

Advertisement ad1
Share this:
Previous

Mih noh u MLA warim ka UDP na Mawlai wa ki spah ngut kiwa yahkhmat

Next

Maham yakhih biang ki ar seiñ wa dooh thaw lai puræ ki spah ngut ha West Jaiñtia