Shillong: Ka Programme Study Centre neibynta ka Certificate Course on Community Health kawa da e poisa da ka National Health Mission (NHM) kawa em hapoh (accredited) ka IGNOU da wai ya ka ha ka 30 Naiynñiaw.
Kani ka Centre toh kawa em ha Old ANM School, Ganesh Das Government Hospital, Shillong heiwa da em hadooh 22 ngut kiwa da pynpsiah pyrtuid (enrolled) ha kani ka Programme Study Centre.
U Joint Director of Health Services (MCH & FW) cum Nodal Officer, HWC, Meghalaya, Dr. J Lyngwa, da ong u wa kani ka programme man ko kawi na ki bynta wa emkaam bha ha ka Primary Health Care hapoh yong ka NHM.
U Dr. Lyngwa da ong u wa kani ka course toh kawa 6 bnai wei hadien wa pyndep ya kani ka course daw ye ki u kreh kam ki Community Health Officer ha ki Sub Centres ya kiwa da pynku cha ki Health & Wellness Centre hapoh ka NHM.
Ye u ong heini wa ka National Health Mission da thmu ko wow pynkhlan ya ki Sub Centre kam ki Health & Wellness Centres wow pait yei miat i bha ha i chait i khiah.
Discussion about this post