15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Maham ka KSU-JHDU wow sdang kynreh kot biang ya ki baar jylla lada kheiñstiñ ka sorkar

0 Comments

Jowai: Ka Khasi Student Union – Jaiñtia Hills District Unit da lai yachem ko ya u DC ka East Jaiñtia Hills hei emlang u SP wa u DTO ka District wow yaklam chaphang ka Infiltration Check Gate ha Ratacherra.

Ha ini i yachem neiliang u SP da ong u wa nadooh ynnin miet da pynhiar 2 Platoon ki SF-10 wei hadien daw phah sa uwi u Inspector ha kani ka thaw wei da ong u leh wa emkaam wow booh sa kawi ka Check Point ha Lumchnong neibhah boi em kiwa pynemkaam da ki luti khloo kiwa pyrchang wow psiah cha ki karkhana khyndawbilat.

Neiliang u DC da phah u leh ya u DTO wow booh ya uwi u sahep Enforcement Officer wa kattu katni kiwa kreh wow pynkhlan chooh chooh ya ini i sylli.

Neiliang u DC da kular u wow chimkhia yeini wei wow booh leh ya ki dkhot ka seiñ ha kani ka thaw lada ebor ka sorkar wow leh kamni.

Da kular u leh wow booh ya ka khyrdop ha Muriap Sumer Elaka hadien kattu katni sngi, wei ka seiñ da ong ko wow pait bniah ko yeini yow khanglaad ya ki baar jylla wow wan psiah ki cha kani ka jylla.

Ka seiñ da ong ko leh wa lada ka sorkar ym leh ko yeini, neiliang yong ka ym yohsa de ko wot wow booh biang ya ka khyrdop wow kynreh kot ko da ka yong ka hi ha kani ka thaw.

Previous
Next

0 Comments

Leave a Reply