Da wai ya ka Soul’s Eatery Restaurant ha chnong Rymbai

Ynne ka sngi da sakhi yei wai ya i dukan baam yong u Jesperwell Bareh kawa da e pyrtuid Soul’s Eatery Restaurant wa em ha ka chnong Rymbai Iawpynsiñ, East Jaiñtia Hills. 

Ya ini i dukan da wan wai da u Waheh Chnong ka Rymbai, u Merimon Rymbai ryngkat i emlang u Teibor Kyndiah uwa man u District Child Protection Officer ka East Jaiñtia Hills.

Ya ka yalang chwa wow wai da pynlai da u Rilamki Dkhar uwa man leh kam u General Secretary yong ka Dong Iawpynsiñ.

Da ah leh ya u Cake kam ka dak wa da wai ya ini i dukan ryngkat wa i duwai kyrkhu kyrdoh hei emlang ki lok ki jor wa ki khon ka dong kamjooh kiwa ha-yung yong u Jesperwell Bareh.