U Chief Minister ka Assam, u Himanta Biswa Sarma ynne da wai u ya i thaw sahnaam wa tip kam ka Swahid Smarak Kshetra, wow kynmoo ya ki 860 ngut kiwa yap hapyrdi u 1979-85 heipor i yakhih ha Assam wow pyrchah yei wan psiah tooh ki baar ri.
Ynne ka sngi wa da tip leh kam ka Swahid Diwas, toh ka lyngkhooh sngi yap uwa nyngkong ha i yakhih uwa tip kam u Khargeswar Talukdar uwa 22 snem ha ka 10 tarik u December 1979.
Ini i yakhih ha Assam toh hadien wa chem ya ki pyrtuid ki baar ri ha ki Electoral Roll ka Mangaldai Parliamentary Constituency, iwa da wanrah yei chong syir yei psiah laitlooid ki nong Bangladesh kiwa daw ktah ya ki tre jylla ka Assam.
Ya ini i yakhih da sdang da ka All Assam Students’ Union (AASU), wei da poor i cha kylleiñ ka jylla heiwa ini i yakhih da neh i ynru snem deiwa yap 860 ngut nei chah tynyap næ ha kti ki pulit wei da kut i hadien ka Assam Accord 1985.
Ha ini i Swahid Smarak em leh u mot wa jrong 225 ft, i kamra wa booh ya ki dur, ki mot sahnaam kiwa da yap, ka nan wa kiwi.
Discussion about this post