Ka Jaiñtia National Council (JNC) deilang kiwa chong chnong ka Daistong, East Jaiñtia Hills ynne da pynman ki yei yakhih ha pchem ka yung krehkaam u DC ha Khliehriat yow pyrchah yei thied pyrchah aiñ yei thaw yow e kti cha ka karkhana Shree Cement deiwa dawa leh wow sangeh yeini i thied ya ini i thaw.
Kiwa chong chnong deilang ki dkhot ka JNC da e ki yei klam yow beiñ yeini wa da jia heiwa yei thaw wa mantre da ki tre chnong da e kti cha kiwa na baar wei u yieñ yatylli ki wow pyrchah yei wan kawon kawon ka karkhana wei wow yada leh yei hok mantre yei thaw wa da hiar pateiñ nadooh ki warim wajah.
Neiliang u President ka JNC, u Sambormi Lyngdoh da ong u wa lada ym ye u pynsangeh yei dai yeini i thaw, daw lai yaleh ki da ka mukotduma ha ka High Court yow yada yei hok.
Da maham leh wa lada lai chakhmat yow pynman ya ka Public Hearing deiwa yachah chiliang ki bor sorkar, neiliang ka seiñ daw pynyoo ko dei bor ha ka sngi pynman ya ka Hearing.
Discussion about this post