Ynnin ka sngi da yoh wow wai ya ka Transit Home ha Nartiang da u BDO ka Thadlaskein C&RD Block, u Dr. Brightstar Langbang hei emlang u Dr. R. Pohsnem, I/c Nartiang PHC, u waheh chnong yong ka Nartiang, u M.Phalangki, u BPM yong ka MSRLS, u D. Nongpoh, ka BPM yong ka chnat i chait i khiah ka A. Lamin, ki President, Secretary wa ki dkhot yong ka Nartiang Village Organization.
U Dr. Langbang da khana u wa i thmu yong ka Transit Home toh wow man ko kam kawi na ki mat krehkaam yong ka Chief Minister Safe Motherhood (CM-SMS) khnang wow pynsuk ya ki manbei kiwa da jan toh u kha khon khamtam kitu kiwa jngai chnong wei kiwa duna hei yoh i laa yow yoh ki u sah ha kini ki Transit Home kiwa em chajan namo hapoh PHC/CHC.
Ha kini ki Transit Home da pynbiang yeiwa emkaam nadooh ki thaw thiah, i baam wa kiwi kiwi. I thmu hi toh u pynchlur ya ki manbei u wan kha ki cha ki Hospital khnang u yoh ki yei sumaar wa biang wei kamjooh leh ya ki khon wa kha ki.
Ya kani ka Transit Home da pynlai da ki dkhot yong ki Self Help Group yong ka Nartiang Village Organization deiwa pait lang ki Medical Team na Nartiang PHC. Kam kini ki jooh hi ki Transit Home daw krehkaam noh ki ha kiwi kiwi ki PHC/CHC wa em ha Thadlaskein Block.
Ha kani ka sngi da yoh leh ya i klam na u Dr. R. Pohsnem I/C Nartiang PHC, u M. Phalangki wa kiwi kiwi.
Puræ leh: Yoh myntoi ka manbei kawa na Huroi na ka CM Safe Motherhood Scheme deiwa lai kit cha PHC
