theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Yoh myntoi ka manbei kawa na Huroi na ka CM Safe Motherhood Scheme deiwa lai kit cha PHC

Ka Scheme sorkar wow yarap ya ki manbei kiwa punkhon; kawa dang sdang ini wa dep kawa tip kam Chief Minister’s Safe Motherhood Scheme heiwa hapoh kani ka Scheme da lai kit ya kiwa da jan toh por wow kha khon deiwa pynsah chwa ha ki Transit Home kiwa da pynkhreh wow em hajan ki thaw sumaar sorkar kam ki PHC wei ka thong toh wow pynduna yei khlaad nadooh ki manbei kamjooh ki khonboo heipor wa kha khon.

Kini ki thaw sah namo ki Transit Home toh kiwa da em 80 tylli ha kylleiñ ka jylla wei neiliang ki PHC da pynkhreh ki leh ya ki kari deiwa chim wai yow li booh ya ki manbei wei ka sorkar da booh thong ko T. 36 klur wow leh yeini.

Advertisement ad1

Kamtæ hapoh kani ka Scheme da yoh yarap kawi ka manbei wa punkhon kawa na chnong Huroi, East Jaiñtia Hills kawa man leh kawa nyngkong na kani ka chnong wa em cha kdong cha chmiang wei wa sih sarok bha wow yoh myntoi na kani ka Scheme heiwa da pynsah ya ka ha ka thaw sah namo ka Transit Home wa da pynkhreh da ka Umkiang PHC.

Kani ka manbei wa tip kam ka Lina Khongbuh da kit ya ka da ki le tylli ki Bolero Pick-Up deiwa hap leh wow chong lieñ yow kaap ya ka Wah Lukha wa ka Wah Lyngkang.

Sa kawi ka manbei na East Jaiñtia Hills kawa tip kam ka Sunday Langshiang kawa na chnong Lahalein iwa man leh i chnong wa jngai na ki thaw sumaar, ka leh da yoh yarap ko na kani ka Scheme heiwa da kit ya ka da ka Bolero Pick-Up dep neitæ sa ka lieñ yow kaap ya ka Wah Lukha dep tæ sa kawi ka Bolero yow poi cha ka Umkiang PHC.

Neiliang u DC ka East Jaiñtia Hills da yaroh u ya ki Doctor wa kiwa kreh ka Umkiang PHC kiwa da kreh chitom ha kini ki ar bnai yow pynkrehkaam ya kani ka Chief Minister’s Safe Motherhood Scheme kiwa da leh katwa ye ki yow wanrah ya kiwa punkhon cha ka PHC yow kha khon deiwa suk.

Da yooluti wa kani ka Scheme daw pynchlur ko ya ki manbei yow lai kha khon ha ki thaw sumaar.

Puræ leh: Wai u Conrad ya ka thaw sah ki manbei wa punkhon

Advertisement ad1
Share this:
Previous

Da ka parom u Tirot Sing lehkmen ya ka Azadi Ka Amrit Mahotsav ha Nongkhlaw

Next

Super Division: Jop ka Ladthadlaboh ya ka Mynthong