Da wai ya ka yung krehkaam wa thymme ka Khatarshnong Laitkroh C&RD Block

U Sirdar ka Elaka Laitkroh, u Pailastar Kharkongor ynne da yoh u ka kabu wa rap phær heiwa da yoh u wow wai ya ka yung krehkaam wa thymme ka Khatarshnong Laitkroh C&RD Block deiwa emlang u Montri Rangbah, u Conrad K. Sangma wa ki MLA, u Gavin Miguel Mylliem wa u Matthew Beyond Kurbah.

U Montri Rangbah hawa e yei klam da ong u wa ka sorkar kwah ko wow embynta kiwa yahkhmat ka imlang sahlang deilang ki paidbah yow poi cha ki moomær ka roi ka paar.

Ini i wai ya kani ka Block Integrated Development Complex man ko kam chibynta ka thong wow chna thymme ya waroh ki yung krehkaam ki C&RD Block kiwa da em chwa 46 tylli wa 10 tylli kiwa dang wai thymme hapoh Meghalaya.

U Conrad da ong u leh wa ha u snem 2018 heipor wa chimkti ya ka sorkar da chem wa kiwa boon ki yung krehkaam ki Block toh kiwa da sih bha wei da chim ka rai wow pynchna noh ki wei ym em da leh du ya kini tangwa da pynchna leh ya ki yung krehkaam ki Sub-Division, ki DC, ki thaw sah wa ki Multi-Purpose Hall.

Related posts

Yap 8 ngut wei mynsoo 14 ngut hadien wa yatyrrah ka rel wa kit bru wa kawa kit mar

November 4, 2025

Phah ka Committee ka High Court wow tympra ya ki 33 tylli ki karkhana Coke hapoh ka jylla

November 4, 2025