Ka Parish Jingshai Ïongshiwiat ha ka sien wa nyngkong dooh da pynman ko da ka yaseiñ Dohnud Bakhuid Tam u Jisu ha ka Balang Chnong Lumkya ha ka 22 tarik uni u bnai.
Ya ka Mass Wakhooid da yahkhmat da u Bishop ka Jowai Diocese, u Ferdinand Dkhar chirup u Parish Priest ka Ïongshiwiat Parish, u Fr. Thaw Sutnga hei emlang ki Sister, u Head Catechist, ki paaid para wa ngait yong ka Parish nadooh ki manbei manpa, ki khon khynroo khyllood wa ki khynnah kiwa da wan chimbynta chongchit ki ha kani ka yaseiñ.
Yei rwai sdang Mass da yoh na ki Choir ka Balang Chnong Bamkamar, i puræ nyngkong ya ka ktien u Blai da u Matheus Muktieh na ka Balang Nonglatem, i puræ wa ar won da ka Joyfully Shalam na ka Balang Bamkamar.
I duwai Riew Ngeit na u Elmiïus Nongrum uwa na Mookangkhla katwa i duwai pynwai ya ka Mass Wakhooid wei duwai dihcha lang ki paaid wa ngait da yoh na u Petrues Suting uwa na ka Balang Lumkya.
Heipor noh chariñ sngi won da sdang yei mane Sacrement hei yahkhmat u Bishop hi deilang i rwai i puræ ya ka ktien u Blai.
I puræ na ka ktien u Blai da yoh na u Ionis Suting uwa da pure na ka chithi wa nyngkong u Pawlus cha ki Korenth Lyngnong 12.27.31 wei da pynwai ya ka yaseiñ dei kyntien pdiang burom na u Rangbah Balang Lumkya, u Tipaiwanphi Sumer ha chirup i chaad i rwai na ka Balang Lumkya wa i e sñiawbha cha kiwa embynta.
Discussion about this post