U Prime Minister ka ri, u Narendra Modi ynne da wai u ya ka Z-Morh Tunnel kawa jrong 6.5 Km wa em ha Ganderbal District ka Jammu and Kashmir yow pynsuk yei lai i wan hapyrdi ka Srinagar wa Sonamarg kawa da chna hei thaw wa em 8,650 ft na sla duriaw wei kawa ye wow pynemkaam waroh chi snem ha kini ki thaw wa joor ka yor, i oor khyndaw wei oor u thah.
Kani ka Tunnel daw yarap ko leh wow pynku ya ka khayi pateiñ kamjooh ki kaam uiñke suwari ha kani ka thaaiñ najrong ki kaam yada ri.
Kani ka Tunnel toh kawa ye wow lai 1000 tylli ki kari ha ka chi kynta wei daw yarap ko leh wow pynlait nei maa ya kiwa lai wa wan.
U Montri ka chnat Transport ka sorkar pyrdi, u Nitin Gadkari da ong u wa kattu kiwa uiñke suwari daw ye ki wow lai cha Sonamarg waroh chi snem heiwa nachwa soo bnai chi snem ym lait kari wow lai cha kani ka thaw manda hiar ka yor wei kiwi ki thaw kam ka Drass wa Kargil leh daw man ki kiwa hoi u lai iwa mut ki bru leh daw yoh khih ki waroh chi snem.
Kani ka Tunnel deiwa kheiñlang wa u sarok wa da chna yow poi ko cha ka, da jrong ko 12 Km wei da pynlut Rs. 2,700 klur yow chna.
Chwa wow em kani ka Tunnel da chimpor palat 2 kynta tangwa katni won du 15 minit donhi wei man ko leh ka 2-Lane kawa kmai 10 meter wei em ko leh sa kawi ka Tunnel ha chrooh kawa kmai 7.5 meter yow pynemkaam lada jia iyi iyi kawa ye leh u pynemkaam kam ka Railway Tunnel.
Kani ka Tunnel toh kawa da sdang u chna ha u 2015 wei deilang wa kani da em leh sa ka Zojila Tunnel kawa dang chna hapyrdi ka Ladakh wa Srinagar kawa daw pyndep ha u snem 2028.
Discussion about this post