theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da wai ya ki dukan dai dakha ha Yaw Chyiap

Ynne ka sngi u Deputy Director ka chnat Fisheries ka jylla, u J. Suchiang da wan wai u ya ki dukan dai dakha namo ka Fish Retail Outlet ha Yaw Chyiap, Jowai. 

Chwa wow wai da em ka yalang wa pynlai da u Rev. E. Nongpluh uwa man leh u Chairman ka JPC Market Management Committee. 

Advertisement ad1

Neiliang u R. Rymbui uwa man kam u Superintendent of Fisheries, West Jaiñtia Hills da ong u wa nachwa hapoh ka jylla da e u pynmih dakha du 4000-5000 MT chi snem tangwa katni nadooh wa em ka Meghalaya Aqua Culture Mission da ye wow pynmih hadooh 18,000-19,000 MT chi snem.

Da ong u wa hadien wa da ye u pynmih ya ki dakha da chem won wa i rukom booh wei i rukom dai ym em man i iwa khooid kamtæ yow poi cha kani ka thong da wai ya kini ki dukan dai dakha heiwa ha West Jaiñtia Hills kani da man ko ka wa ar heiwa da em chwa kawi ha Wahiajer.

Ya kani ka dukan da sdang u chna ha ka 04-12-21 lyngba i e yarap T. 6,00,000 da ka Fisheries katwa T. 4,00,000 won da ka Balang wei da booh leh ya ki Deep Freezer, ki pyrla, ki synduk booh dakha, i thaw sait wa kiwi wa emkaam yow pyntikna wa khooid wa suba i dai kamjooh i booh dakha. 

U J. Suchiang da yaroh u yei rukom chna ka JPC Market Management Committee ya kani ka dukan dai dakha deiwa ong wa i thmu toh yow dai ya ki dakha wa pynmih napoh ka District deiwa e nongmuna wa ha ka yung krehkaam yong oo leh da dai dakha ki heiwa ki paidbah da ye ki wow jied da ki dakha wa dang im wei hadien wa yoo ki yei khooid wei da maad ya kini ki dakha ym kwah de ki wow baam da ki dakha wa wan na Andhra kiwa da yap da slem wei da duna Vitamin.

Kamtæ da kyrpaad wa lada e wai ya kini ki dukan toh u e cha kitu kiwa pynmih dakha napoh ka District yow yarap ya kiwa psan dakha ka District.

Advertisement ad1
Share this:
Previous

Khlaad noh ka Rophi Sumer kawa na chnong Bataw

Next

Super Division: Jop ka 7Wasa