Da wai ya u mooyurim yow sdang noh u chna ya ka Shillong Ropeway hei lut wa Rs. 175 klur

U Montri Rangbah ka jylla, u Conrad K Sangma ynne da wai u ya u mooyurim neibynta ka Shillong Ropeway Project, uwa da wan booh da ka President ka ri India, ka Droupadi Murmu ha ka 16-01-24.

Ya uni u mooyurim da wai ynne ha Shillong Peak View Point kawa man ka thaw wow chna ya kani ka Ropeway.

Ha kani ka sngi, u Conrad deilang wa u Montri ka chnat Tourism, u Paul Lyngdoh da e kti ki leh ya ka chithi yow kreh ya ini cha ka KEC International Limited – Tantia Construction Limited JV wei i kreh da antaad u lut hadooh Rs. 175 klur. 

Kani da man ko leh ka Ropeway wa ye u kit paidbah kawa nyngong dooh ha Meghalaya wei u chna ka deiwa ya krehlang wa ka Company kawa na France kawa tip kam ka POMA kawa man kam ka wow pynbiang ya ki tiar ki taar wa emkaam. 

Related posts

Dawa ka BJP Meghalaya wow pynchitom ya uwa leh ya ki kaam wa ktah yei sñiaw ki Christan

December 27, 2024

La du Rs. 1 chi churia yoh ka JHADC na ki Cement Factory da ye u su tulop kiwa kreh: Daiapherbha Lamare

December 26, 2024

U Conrad ynne da e kti u leh ya ka poisa wa Rs. 1.5 klur kawa man kam ka bhah wa ar neibynta i thaw wa chongdor Rs. 3 klur wei ya kani da wan wow chimkti da u Glanding Lyngdoh, General Secretary ka Riat Laban Dorbar Pyllun.  

U Conrad da e khublei u leh ya ka Raid Laban Dorbar Shnong Pyllun yei ya krehlang ki wei da pyntip u wa kani ka Ropeway daw lai luti ko lyngba ka Laban, Madan Laban, Upper Lumparing, Lower Lumparing, Lumkjatsngi, Oxford Hills wa Rngi Shillong. 

Da e khublei u leh ya ki chipai kiwa da ya krehlang yow kyrchaan yeini i kreh.

Da khana u leh wa ka sorkar dang kreh ko wow thooh kiwi ki laad ki luti yow pynkyllooid yei thaw hiar kani ka Ropeway ha Madan Laban heiwa ka sorkar daw chna sarok ko uwa jrong kamwa 4 Km yow pynyabi ya u sarok ha 101 Area, Upper Shillong.

Da khana u leh wa dang pyrkhat boi daw ye u pynemkaam da ki Ropeway yow kit paidbah kam ka laad yow pynkyllooid ya ka Shillong.