Ka Dorbar Chnong Lakadong Umlatdoh da pynsñiaw ko yei sñiawngooh ya u Dr. Sankey Shangpung wa da e yarap sñiawbha u ya ka chnong da u sarok Internal Road.
Uni u sarok toh uwa na ka (SAG Scheme 2018 2019) wei da wai ya oo ynnin ka 5 tarik.
Ha kani ka sngi da em ka yalang wa pynlai da u General Secretary ka chnong, u Maldiny Amkhloo heiwa da yoh leh yei klam na ki waheh ka chnong kam na u Hamran Lamoo uwa man leh u Assistant Waheh Chnong, u Waheh Chnong u Firmly Rymbai katwa neiliang ka Balang da yoh i klam na u Tbn. Elwin Rymbai.
Ha kani ka yalang da emlang leh u Pa Dolloi ka Elaka, u Oldwing Shadong wa u Waheh Chnong ka Umlyngsha, u Mewel Syrti kiwa hayung u MDC wa ki paidbah ka chnong kiwa da kitbok ya u MDC wow yoh u yei doh i pran wa khlan ha ki kaam chakri paidbah u.
Kani toh katkam ka wyrta wa phah da u General Secretary Chnong Lakadong Umlatdoh, u Maldiny Amkhloo.
Discussion about this post