Jowai : Kam chibynta wow wanrah ya i kyllooid ki sarok ha Jowai wei wow pyntbian ya i jngai nei lai hei wan, da chna ya u sarok Jowai Bye-Pass na Mukhla cha Soomer.
Uni u sarok jrong u kamwa 8 km, wei uni u sarok thymme pyntbian u ya i lai i wan hadooh 30 minit.
Da chna ya uni u sarok deiwa lut kamwa T. 46.61 klur lyngba ka Ministry of Highways yong ka sorkar India.
U Executive Engineer ka PWD (Roads) Jowai North Division u Sainia Kyndiah da ong u wa da wai chipor ya uni u sarok kawa tip leh kam ka Trial Run Basis.
Da sakhi wa nadooh wa wai ya uni u sarok ynne i step da wanrah u ya i thylli ki sarok nadooh na Soomer hadooh Jowai tymbud hadooh wa poi ha Mukhla hajan ka Nan Thadlaskeiñ.
Discussion about this post