15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Khang u Contractor ya ka Indoor Hall ka KNGC

0 Comments
Advertisement ad1

Jowai : Ka Kiang Nangbah Government College man ko ka thaw puræ sorkar kawa em boon i duna, iwa da yoh u sakhi na ki por cha ki por, iwa da pynbor leh ya ki khynnah u yakhih ki dei langær.

Ka sorkar yaleh ko katwa ye u pynmiat wei wow kyntu kynrong ya i rukom man kani ka college, deiwa chna ko ya ki yung sah (hostel), Indoor Hall, ki kamra (classroom) wa thymme, wa kiwi kiwi.

Advertisement ad1
Advertisement ad1

Kawi na kini wa chna ka sorkar toh ka Indoor Hall ha chrooh kani ka thaw puræ, ya kawa da pynemkaam chipor (temporary) katni kam ki classroom yong ki khynnah class XI.

Ya kani ka Hall da dep chna ya ka la chi snem tam kattu wei da pynemkaam ya ka mar dep chna.

Ynnin ka 21 tarik da yoh yutip wa u Contractor wa chna ya kani ka Hall u J. Pde syndet syndet da lai khang tylla u ka kani ka Hall.

Hei yaklam wa ka Executive Engineer ka PWD (Building), ka A. Phawa da pyntip ko wa hadooh katni ympu em u su lut ya ka bill u contractor wei dang dep su du 50% donhi na kawa da mang, wei hadien wa yaklam sñiawthooh yumut wa kiwa pyllai kani ka thaw puræ da chah u wow pynemkaam chipor ya kani ka Hall kam ka Classroom.

Kani ka Hall da chna deiwa yoh poisa na ka UGC wei dang yang ya ka poisa wow pyllait noh ka sorkar wow su ya kani ka poisa wa dang sah.

Lada wyrchaw yei emkaam kamra ki khynnah khamtam heipor wa sdang ki class lada ym ye u pynemkaam ya kani ka Hall daw mih biang i awri awra kamwa man ha u snem wa da dep heiwa boon ye ki u dooh admission.

0 Comments

Leave a Reply