Ka Monolith Restaurant wa em ha Mawmluh da wai yaka ynne ka sngi da u Cyril V. Darlong Diengdoh, Secretary ka sorkar Meghalaya wei chwa yeini da wai leh yaka Laitiam River Side Eco Tourism Hub ha Laitiam da ka I. Rynjah, Director ka chnat Soil and Water Conservation. Waroh ar kini toh kiwa em hapoh ka Sohra Civil Sub-Division wei da pynkrehkaam da ka Soil and Water Conservation Department deiwa ya krehlang waka Meghalayan Age Limited.
Ka Soil and Water Conservation Department hapoh ka Sohra Ecological Restoration Project wa da pynkrehkaam ha u 2010-2011 hadooh u 2015-2016 da sdang ko ya kiwa boon ki kreh wei da pteiñ yeini hapoh ka Natural Resource Improvement Intervention Project yow pynchlur ya ki kaam Eco-Tourism ha kini ki thaaiñ.
U Cyril hawa e yei klam da ong u wa ki kaam uiñke suwari toh kiwa yarap bha wow pynmih boon ki jait kreh ya kiwa chong chnong yow pynku yei rukom im ki bru.
Da yaroh u leh yaka chnong Mawmluh kamjooh yaka Mawmluh Tourism & Allied Activities Co-operative Society (MTAACS) yei smat ki wow ya krehlang waka Soil and Water Conservation Department wei kani ka Monolith Restaurant man ko kam i soh wa mih na ini i ya krehlang.
Da kyrmen u leh wa kani ka thaw daw pynku i ya ki kaam uiñke suwari ha ka thaaiñ Sohra wa Mawmluh.
Ya kani ka Restaurant da sdang wow chna ha u April, 2022 wei da ye u pyndep ha u September, 2023 heiwa ha kani ka Restaurant da em leh i thaw sah ya kiwa kreh wei da lut Rs. 1.39 klur wow chna ya ini.
Yaka Laitiam River Side Eco Tourism Hub wa em ha chnong Laitiam hi da chna ha u June, 2022 wei da pyndep ha u December, 2023. Wei ha kani da em soo tylli ki thaw sah (Cottage), kawi ka Open Terrace Restaurant, da pynchna pynmiat ya ki thaw wa em cha rood wa kiwi de hei lut wa Rs. 1.5 klur.
Discussion about this post