Da wai yaka Lumshnong C&RD Block 

U Montri Rangbah ka jylla, u Conrad K. Sangma haka 3 tarik da wai u yaka Lumshnong C&RD Block ha East Jaiñtia Hills District hei emlang u Montri ka chnat Pynroi Sor, u Sniawbhalang Dhar, u MLA ka thaaiñ, u Shitlang Pale, ki MDC, ki waheh chnong, u DC wa u SP ka District. 

U Conrad hawa e yei klam da e khublei u ya u Chairman wa ki dkhot ka Joint Action Committee kiwa da kreh khlem chong wow wanrah ya ka Lumshnong C&RD Block heiwa da ong u wa i wym em ki chnat sorkar ha ka thaaiñ da pynduna ko ya ki kaam pynroi wei ki paidbah da hap lai ki cha jngai wow pyndep yei kaam yong ki tangwa deiwa em ka Lumshnong C&RD Block daw wanrah ko ya i chakri chajan wa ki paidbah. 

Da ong u wa kani ka sorkar ha ki soo snem wa dadep da kreh ko khlem sangeh wow wanrah ya ki kaam pynroi kiwa khlem kut ha ki liang waroh khamtam wow pynyajan i chakri wa ki paidbah. Da ong u wa nei wan ka kjut khhlam COVID-19 i pynlut poisa ka sorkar da ku i da 40% bar ya i pynlut ka sorkar warim wei ha kini ki soo snem da pynchna yaki sarok wei kamwa 3 lak tylli ki manyung da yoh um-dih ki. Heiyatoh won wa i e tika hapoh ka ri heiwa nyngkong ka jylla da em ko heiwa 27 katni won da poi ko heiwa ar i kyrdan ha ka ri. 

Chooh chooh da ong u hawa pynman yakob pyrchah yaka China, Singapore waka United Kingdom, katni ka jylla da man ko kawi na kiwa hakhmat heiyatoh wa ka E-Governance ha waroh kawi ka pyrthai wei da tipmit yeini da ka United Nations. 

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Heiyatoh wa u sarok Sonapur-Borghat, da ong u wa ka sorkar da mang ko palat T. 120 Klur wow chna ya u sarok wa 29.5 km wei da booh leh ya u mooyurim ha ki tayaw wa dadep wei kani ka sorkar da pyntikna ko wa ym ieh ko ya kawon kawon ka thaaiñ chadien.

Ha kani ka sngi da saam leh ya ki Cheque hapoh ka Grassroot Level Response towards Ecosystem Enhancement and Nurturing Scheme (GREEN)/Payment For  Ecosystem (PES) cha u Standing Lamare, ka Dorbar Chnong Sonapyrdi waka Presbyterian Church, Sonapur.

Da e leh ya ki Cheque cha ki 5 rylli ki Village Organisations(VO) ka Lumshnong C&RD Block hapoh ka NRLM CIF kawa kynjoh T. 14 lak.

Da e leh ya ki symbe rep cha ki 15 tylli ki Integrated Village Cooperative Societies (IVCS) ka East Jaiñtia Hills District wa kynthup ya ki Open-Pollinated Vegetable Seeds, Bio-fertilizers/Bio-Pesticides wa ki Soil Testing Kits kiwa T. 1 lak kawi. 

Hadien ini u Conrad K. Sangma daw wai u yaka Block Development Office ha Lumshnong.