December 4, 2022
U Montri Rangbah ka jylla, u Conrad Sangma hawa yaklam wa kiwa pathai kubor hawa wan u ha Jowai ynnin ka sngi, da jubab u heiyatoh wa ki kyndon wow tih ya u mooyong da ki bru samen namo ki karkhana heiwa ka aiñ da ong ko wa emkaam i thaw wa heh 100 Hectare iwa da wanrah yei ood na kiwa chong chnong, deiwa pynche u wa kini ki kyndon toh ki yong ka sorkar India wei ymtoh naka sorkar jylla.
Chooh chooh da ong u wa ka sorkar jylla ye ko wow kyrpaad ya ka sorkar India wow pynkhian yei thaw khih mooyong tangwa ini daw rap chimpor i, khnang wow ye ki bru u yaleh yow yoh License wow tih mooyong da lai chakhmat kamwa man katni.
Da pyntip u leh wa katkam wa man katni da em kamwa 18 ngut kiwa da pyndap pyrtuid wei da yoh ki ya ka Prospecting License wei da jan yoh ki yei mynjur yaka Mining Plan yong ki wei mar ya pyndep yeini, i tih mooyong leh daw sdang noh i chisyndon wei hadien itæ daw pait kammon wow lai chakhmat wow pynkhian yei thaw wa emkaam yow yoh u tih mooyong.
Kamtæ da ong u wa lada pyrchang u kylla ya ki kyndon pyn na katni daw wanrah chooh chooh yei pynslem yei kaam.
