Jowai: Haka sien wa nyngkong da pynmih ya ka Website ïathoh ha Meghalaya www.iathoh.com, wei ya kani ka Website da chna kyrpang neibynta ki Khasi wa Jaiñtia kawa man kam chibynta wow lehkmen yei dap 100 snem ka Seng Khasi Marbisu, da pyllait paidbah ya kani ka Website da u President ka Seng Khasi Marbisu, u Rangshap Kurbah ha Community Hall Seng Khasi Marbisu haka 8 tarik uni u bnai wei ya kani ka Website da saiñ dur wei chna ha i yahkhmat u Aibanshankupar Suiam.
Hawa yaklam wa u Aiban Suiam uwa man leh u Director yong katai ka Company, da batai bniah u wa toh du da ka im-hok hi kawa ye u pynneh suk ya ka manyung mansem wei ya ini da yoo wot ha ki manyung wa dooh wa duk leh ki imsuk imsaiñ bha ki neidaw wa im ki man hok ko. Wei na kani ka daw wa boon ki manyung mansem chem ki yei thut chiboon neidaw wa ym im ki deiwa hok. Da pynche u deiwa e nongmuna wa kitu ki bru kiwa ym jooh klam dei hok barabor man ki ki bru ki wym jooh chim khia ha kawon kawon ka kaam wei ki ye ki wow chet kylla ya kiwon kiwon leh. Da pynkut u deiwa ong wa, “Khlem ka hok, ym em i chaniah, khlem i chaniah, da artatien wow yaneh slem ka chongkha chongman”
Kani ka Website da em ko waroh ki Search Filter waphær waphær wow jied ya iwa sñiawemkaam ki bru wa pynemkaam ka (Member) nadooh ka jait niam kwah ki, ki kaam (Profession) wa kreh ki, næ wow thooh lyngba katkam ka rta wa ki yahap, kamtæ ter ter.
Ym emkaam wow su hawa e pyrtuid næ ka Registration. Tangwa wow man ki dkhot wa pura (Full Membership) næ wow yoh u pynemkaam lut ya waroh ki Features yong ka Website, ki dkhot hap ki wow su kattu katni i dor.
Nalor waroh ini, ka iathoh.com, e ko leh yaka Online Counselling ya ki Registered Members yong ka, wow batai ya ki chijur yow neh imsuk næ emlang waroh chi rta.
Discussion about this post