15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da wai yaka yung krehkaam ka KVK

Advertisement ad1

Shillong: Ka yung krehkaam ka Krishi Vigyan Kendra, East Khasi Hills hapoh ka chnat Agriculture and Farmer’s Welfare wa Director ICAR-ATARI Zone VII, ynne ka sngi da wai da u Agriculture Minister, u B. Lyngdoh uwa da wan kam u kongsan hei em u MLA ka thaaiñ kamjooh u Minister, C&RD, u H. Dohling ha 5th Mile, Upper Shillong

Ka Krishi Vigyan Kendra (KVK) man ko kam ka Laboratory wa khian kamjooh ka chnat thooh bniah namo Research ka ki kaam rep. Kawi pa kawi ka KVK kreh ko ha ki thaw rep wa khian yow pyrchang ya i stat rep wa thymme deiwa pynemkaam ya ki syme waphær waphær lane i rukom rep wa thymme. Ya kani ka yung krehkaam da kyrchaan poisa da ka Indian Council of Agricultural Research (ICAR).

U kongsan u B. Lyngdoh hei klam yong oo da ong u wa da i wai ya kani ka yung krehkaam da em leh i kyrmen wa thymme ya ki warep yow yoh ki ya ki buit wa thymme, i symbe wa bha, ka stat rep wa thymme iwa daw pynbha ya ki mar wa pynmih ki warep iwa daw wanrah leh yei ku i yoh i kot yong ki kamjooh. 

Da kyntu u leh ya ki sahep, ki wakreh ka KVK wow ya krehlang wow chdooh ki ya ki warep yow e yei myntoi cha ki warep. Da ong u leh wa kani man ko leh ka sngi wa kyrpang ki warep kawa haap leh hapoh ka National Farmers Day.

Neiliang u C&RD Minister, u H. Dohling da ong u wa nalor ki Scheme wa da e cha ki warep, ki e sikai wow rep man ko kawa emkaam bha yow kyntu ya ki warep. Da pynchlur u leh ya ki warep ka jylla wow wan chakhmat yow chim kabu ya kiwa boon ki Scheme kamjooh yow pynsñiaw yeiwa chem chitom ki yow pynmiat yei ya sñiawthooh hapyrdi ka sorkar wa ki warep.

Ha kani ka sngi da pynlait leh yaka kot wa thoh da ka Krishi Vigyan Kendra, East Khasi Hills wei hadien ini da ekti ya ki kor loor lynkha wa kiwi kiwi ki tiar rep cha ki warep ka District.

Kiwi de kiwa klam toh L. Kharkrang, Director of Agriculture and Farmers Welfare, B. Wahlang, Senior Scientist, KVK East Khasi Hills wa K. Lyngdoh, Joint Director of Agriculture (R&T). 

Share this:
Previous

Booh kyndon ka Khimusniang ya ki paidbah wow bood ki

Next

Mih yonglang ki paidbah ka Thadmuthlong ‘C’ Phramer yow pynkhooid chnong