Jowai: U District Magistrate, West Jaiñtia Hills haka hukum wa da pynmih ynne ka sngi da pyndam u yei khang i lai i wan ki bru kamjooh ki kari lyngba ki sarok khappood wa jooh pynemkaam waka Assam wei yeini da chah wow leh chisyndon deiwa booh ya kini ki kyndon ha wah:
- I wai ya ki Entry Point ha Saphai wa Tihwieh kiwa em hapoh ka Laskein C&RD Block wa ka Khanduli hapoh ka Thadlaskein C&RD Block neibynta ki kaam wow kamai ja-kpoh heiwa daw hap wow Test COVID-19 man ka 10 sngi ya waroh kiwa mih wa psiah dei langær neibynta i khih i khan. I Test ya u COVID-19 ha Saphai daw leh ha Priang PHC, Tihwieh ha Sahsniang PHC wa Khanduli ha Namdong PHC.
- Ya kiwi won ki bru lait noh kitu kiwa lai wa wan neibynta i kamai ja-kpoh, daw hap hi ki wow psiah lyngba ki Entry Point kiwa da booh kitæ ha Ratacherra wa Byrnihat katkam ki kyndon wa da booh ka sorkar wow psiah u mih kamjooh ki rukom leh ya ki Test.
Chooh chooh u District Magistrate da phah u ya waroh wow bood yaki kyndon namo ki SOP kiwa da booh da ka chnat Health and Family Welfare deilang waka Ministry of Home Affairs ka sorkar India.
