U Commissioner & Secretary ka Health & Family Welfare Department ka sorkar Meghalaya, u Sampath Kumar, IAS da pynbna u yaki kyndon wa hap bood manda em kiwa khlaad na u COVID-19.
Neidaw wa u COVID-19 da poor u na iwa mih napoh i doh kiwa yoh ya oo, kamtæ ym em ware em i maa wow poor uni u khñiang na kiwa da yap cha kiwa kreh ha ki kaam i chait i khiah, kiwa ha yung ha sem wa kiwi kiwi deiwa bood yaki kyndon hawa tba ya i metyap.
Waroh kiwa em ha i thaw thang lane thaw tlep-bru hap ki wow bood yaki kyndon wa yatoh wow lehkhooid yaki kti, u deiñ yaki Surgical Mask wa i sap sap-kti.
Ki yalang deiwa em boon ngut ha ki thaw thang lane ki thaw tlep-bru toh u yait kam chibynta wow bood yaka Social Distancing neidaw wa ye u em kiwa ha yung ha sem kiwa khlaad wa yoh ya uni u khñiang.
I pait khaddooh ya i metyap deiwa wai yaka muna wa booh yei metyap ye wow leh da kitu wa pyndep yei thang lane yei tlep yow ye kiwa hayung hasem wow pait khaddooh.
I pyndep yaka niam ka rukom kam i puræ yaki ktien na ki kot niam, i pynjrait um wa kyntang wa kiwi kiwa ym hap wow tba yei metyap ym em khang wow leh.
I pynsum, i kdung, i doh wa kiwi kiwi ya kiwa da yap ym chah wow leh.
Kiwa embynta hei wow tlep/thang lada da ki bru wa kreh ha kini ki kaam, kamjooh ki lok ki jor wa kiwa ha yung ha sem toh u sait khooid bha ki ya ki kti yong ki hadien wa pyndep yei thang/tlep.
Hawa tlep, toh u tih thlu wa yillu 6 phut. Hawa thang won, ye hi wow pyllang yei tpai neidaw wa ini ym em booh ko hei maa.
Yaka kari wa kit yei metyap hadien wa da dep leh wow li booh ya kiwa thang/tlep, hap wow sait khooid yaka da i 1% Sodium Hypochlorite (kiwa ye u yoh na ki Pharmacy). Ya ini leh ye wow leh da kitu kiwa kit yei metyap.