Shillong: Kiwa chong chnong ka jylla kiwa sahkut cha kiwi ki jylla ka thaaiñ mihsngi da sdang wan biang ki cha Meghalaya nadooh ynne ka sngi lyngba ki soo tylli ki khyrdop wa da pynkhreh da ka sorkar.
Yeini da pyntip da u Symbood Montri Rangbah ka jylla, u Prestone Tynsong uwa da ong wa kini ki 284 ngut da wan ki da ki kari samen.
Chooh chooh da pyntip u wa kini waroh da wan ki na ki thaw kiwa ymtoh ki Red Zone namo ki thaw wa da chah ktah, wei dadep Test bha ya ki ha ki khyrdop chwa wow psiah ki cha ka jylla, da ong u leh wa hawa sylli bha ya kini waroh da chem wa ym em pynyoo ki ya ki dak wa chah ktah ki ha u COVID-19, wei ka sorkar da phah noh ko ya ki cha ki chnong yong ki wei emkaam wow bood pynrkhiñ ki ya ki kyndon sorkar wei wow chong yung (Quarantine) ki hadooh 14 sngi ha yung.
U Prestone da pyntip u wa waroh kiwa da wan kynthup ki lyngba ka Byrnihat 205 ngut, Ratacherra 32 ngut, Bajengdoba 39 ngut wa na Tikrikila 8 ngut, deiwa pynrap wa dang em chooh ki wow wan ha ki sngi wow wan da ki kari wa da pynkhreh da ka sorkar.
Discussion about this post