Da wanrah ya boon tylli ki Amendment Bill ha ka sngi sdang ka Autumn Session

Ynne ka sngi sdang ka Autumn Session ka Meghalaya Legislative Assembly, da wanrah ya kiwa boon ki Amendment Bill wa kynthup ya ka Meghalaya State Language (Amendment) Bill, 2025, ka Meghalaya Private Medical Institution (Regulation of Admission, Fixation of Fees and Reservation) Bill, 2025, wa ka Meghalaya Private Universities (Amendment) Bill, 2025.

U Montri Rangbah, u Conrad K. Sangma da wanrah u ya ka Meghalaya State Language (Amendment) Bill, 2025 neidaw wa hadien wa pynkha ya ka Eastern West Khasi Hills District wa pynemkaam ya ka ktien Khasi da emkaam wow kynthup ya ka hapoh ka Meghalaya State Language Act, 2005 wei da hap wow pynkylla ya ka Section 4 kani ka aiñ.

Neiliang ka Montri ka chnat i chait i khiah, ka Ampareen Lyngdoh da wanrah ko ar tylli ki Bill kitæ ka Meghalaya Private Medical Institution (Regulation of Admission, Fixation of Fees and Reservation) Bill, 2025 wa ka Meghalaya Homeopathic Medicine (Amendment) Bill, 2025.

U Montri ka chnat puræ puthi, u Rakkam A. Sangma da wanrah u ya ka Meghalaya Private Universities (Amendment) Bill, 2025.

U Symbood Montri Rangbah, u Sniawbhalang Dhar da wanrah u ya ka Meghalaya Heritage (Amendment) Bill, 2025.

Related posts

Kyrpaad kiwa chong chnong ka Nangbah ya ka MeECL wow pyrkhat yei por wa pyndooh bordiñ

April 22, 2026

Dawa ka JSM wow kyrriah biang cha Meghalaya na Assam ya ka thaw thoh ya ka Exam ka Staff Selection Commission

April 21, 2026