Ki pulit ka Meghalaya ynne da ye ki wow wanrah ya u Himan Gogoi na Jorhat, Assam cha Shillong uwa da emkti wow khyndang ya ka Skirt ka khynnah skur dep tæ chondur ka iwa da jia ha Umsohsun, Shillong hei step ka 23 tarik uni u bnai.
Hadien wa poi u ha Shillong, da lai yah ya oo hakhmat ka yung bichaar yow paan bor wow kset oo yow yoh laad u takit oo.
Ki pulit da pyntip ki wa uni u bru da kreh u kam uwa chet namo u Cook ha kawi ka Restaurant wa em ha 9 Mer, Shillong wei da yut u cha Assam hadien wa poor ka khubor yeiwa leh u heiwa ka Special Team wa da thung ha ka 26 tarik da ye ko wow tip pyrtuid ya uni u bru hapoh le sngi.
Da chem leh wa uni u bru toh uwa da em mukotduma ha Assam hapoh ka Teok Police Station wa leh u ya kam kini ki jooh ki kaam khlemakor pyrchah ya ki kynthai wei ha Shillong da leh u yei jooh ha ka 19 tarik sa ya kawi ka khynnah ha u rana wa em hajan ka Dreamland, Police Bazar.
Puræ leh: Ym du ha Umsohsun, hajan Dreamland i jooh leh khlemakor u bru na Assam ya ki khynnah skur
Discussion about this post