Da wanrah yaki Moopynyieñ neibynta ka Lympung ka Seiñ Kyntu Seiñ Raij-12 Daloi

Kam chibynta ka Lympung wa 24 ka Seiñ Kyntu Seiñ Raij-12 Daloi kawa daw pynman haka 30 wa 31 tarik uni u bnai ha chnong Rangad, EJH da wanrah wei da thung ya ki Moopynyieñ wa u Mookynthai næ u Mooknor ynne u sngi kam chibynta yow man kam ka dak pynsahnaam yeiwa pynman ya kani ka lympung.

Ha chwa wow thung ya kini ki moo, da yoh yei ngooh i dem Blai na u Langdoh Niam ka Seiñ Raij Rangad.

Ya kini ki Moopynieñ wa u Mookynthai daw pynkyntang da ka niam ka rukom, ka suit ka choor, da ki pyrnah pyrjin ha ka sngi wa pynman yaka lympung haka 31 tarik.

Ya kani ka lehniam daw yah luti da u Langdoh ka Seiñ Raij Rangad deilang wa ki Langdoh ki Raij waphær chirup wa ka Seiñ Kyntu Seiñ Raij 12-Daloi.

Related posts

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Daw pynman ya ka Lympung wa 29 ka Seiñ Kyntu Seiñ Raij 12 Daloi ha Seiñ Raij Nongtalang

January 15, 2026