Ka Seng Khasi, ki Seiñ Raij, ka Seng Khihlang deilang ka Sengbah Ki Nongshat Nongkhein da pynsñiaw ki yei sñiawsih hajrong i pynyaphær jaitbru ka niam khamtam i chah thombor kiwa em ha ka Niam Tynre.
U Vice President ka Seng Khasi Seng Kmie, u PD Nongrum da ong u wa ini da wanrah ko yei yaphær niam, wei da jia nadooh u 2017 heiwa ha Mylliem kiwa bood ya ka Niam Tynre da hap ki wow lai ujor cha ka Kasari yow yoh u pyndep ya ka niam ka rukum u Gulam Nongrum uwa da khlaad ha katai ka snem.
U PD Nongrum da kam u leh wa em ki bor pynlai chnong wa ka liang ki heh paaid kiwa da pynthut ya ka thaw yong ki Seng Khasi hadooh wym e laad ki leh hawa paan thaw yow chna ya ka tpep thang bru katwa ya kiwa pyndep niam deiwa tlep da e thaw ki da ki Acre. Wei ini da wanrah ko yei yaphær jaitbru hajrong ka niam.
Heijooh i por da ong u wa da em leh i pynthut wow leh niam ha ka Raid Mylliem da kiwa dang em ha ka niam Khasi, kiwa da hap wow lai choh ya ka dwar ka Kasari yow yoh yei hok.
Discussion about this post