Da wiar ka File – e jubab RTI ka JHADC yeiwa kylli chaphang ka Building ko wa em ha Ratacherra

Uwi na kiwa chong chnong ka Ratatcherra da booh RTI u hapoh ka Forest Department ka JHADC yow kylli chapang kawi ka yung Building ka Council kawa em hapoh kawi ka thaw thung dieñ namo ka Teak Plantation ka Council hi iwa em mar pyrchah ka Petrol Pump wa em ha ka chnong Ratacherra, East Jaiñtia Hills District harood u sarokbah NH-6.

Hei jubab ya ka RTI wa da e da u Chief Forest Officer uwa man leh kam u PIO, da ong u wym chem de ki kot ki sla hapoh ka Office katwa thooh leh wei da wiar ki File heiyatoh wa ini.

Ini i jubab da pynkhyrngiat i ya uwa yaleh RTI uwa da kylli katwon i lut i sep wow chna ya kani ka yung, katwon ngut kiwa kreh namo ki Officer wa da booh yow kreh ha kani ka Building wa kiwi de.

Neiliang uwa yaleh RTI da suba wa ye u man wa em ka baam tooh heiyatoh wa kani ka Building nadooh ka poisa wa da pynlut iwa pynman wow e jubab wa da wiar ka File.

Kamtæ da booh ya ka 1st Appeal ha ka Appellate Authority ka JHADC yow dawa yei jubab ya kani ka RTI neibhah i rukom jubab man ko pyrchah ya ka aiñ, wei i e daw wym ye wow booh dei miat wei wow pynlum pynlang ya ki kot ki sla leh man ko pyrchah ya ka aiñ wow kyntait u e jubab RTI.

Related posts

Yachem ki dkhot ka Synjuk Ki Rangbah Kur wa u CEM ka JHADC yow pynneh pynsah yei chim jait na ka bei

June 25, 2026

Wiar 5 ngut nei chlai um wei oor khyndaw ha Arunachal Pradesh

June 25, 2026

Katkam wa man kattæ, kani ka yung Building kawa da ieh khlem da pynemkaam toh kawa da kylla kam ka thaw dih kiad, dih drugs wa ka thaw wow leh ya ki kaam khlem-akor.

Kamtæ da kyntu ya ka JHADC wow chimkhia ko yeini deiwa pynkrehkaam ya kani ka Building ymtoh du wow pynlut ya ka poisa paidbah.