Jowai : Ka Anthill Production kawa pynmih ya ka film baiskoop Iung u Slæk da pyntip ko wa da yoh ko ya ka Certificate na ka Central Board of Film Certificatuon (CBFC) ha ka 20 tarik uni u bnai.
Ya kani ka film daw pynyoo paidbah ya ka ha Bijou Cinema Hall.
Kiwa em bynta ha kani ka phlim toh u Konel R.Phira kam u Slæk, ka Phelima Sumer kam ka Tiaw, u Goldenstar Suchiang kam u Bahdooh, ka Regina Lamp, ka Ripaia Pakyntien, Aklan Majaw wa kiwi kiwi.
Da pynmih ya ka (produced) da u Relington Dhar wei da thoh wei pynwandur (direct) da ka Simi Khongtiang.
Da sdang i riñ ya kani ka film ha Shillong nadooh Naikhynde (September) 2016 wei toh ka parom chaphang ka manyung u Slæk, kiwa pyrchang wow pynkylla ya ka rukom im pahooh yong ki hadien wa da hiar ka yaaw mooyong.
Discussion about this post