U Montri Rangbah ka jylla, u Conrad Kongal Sangma da pyntip u wa ki pulit da yoh ki wow kem lut ya waroh kiwa emkti wow tympdung Bomb Improvised Explosive Device (IED) ha ka janmiet ka 30 tarik ha Khyndailad (Police Bazar).
Katkam wa pyntip u Conrad, kiwa da chah kem ha ini i kaam da kynthup ki nadooh ki bru kiwa dai ya ki Gelatin Stick namo ki tiar pynpdung wa kitu kiwa lai wow tympdung ya u Bomb. Da pyntip u wa ki pulit katni da pynman ki ya ka takit kawa bniah yow chem chooh chooh lada dang em kiwi won kiwa emkti næ kiwa yarap.
Hawa kylli, u Conrad da pyntip u wa da em waroh 4 ngut kiwa emkti ha itai i kaam pyntieñ wei da pyntip chooh chooh u wa kini kiwa chah kem toh du kiwa kyrchaan yong ka seiñ Hynniewtrep National Liberation Council (HNLC), wei hadooh katwon i yatoh yong kitai ki bru wa ka HNLC, ki pulit dang pynman ki yei takit.
